- Адам къаллай бир ишленмесе, аллай бир кесин уллу кёреди.
- Келинни – келгинчи, бёркню кийгинчи кёр.
- Кёлсюзден сёзсюз тууар.
- Билмезни кёзю кёрмез, этмезни къулагъы эшитмез.
- Ёпкелегенни ашы татлы болады.
- Эте билген, этген этеди, эте билмеген, юретген этеди!
- Хазыр ашха – терен къашыкъ.
- Эртде тургъан бла эртде юйленнген сокъуранмаз.
- Къазанны башы ачыкъ болса, итге уят керекди.
- Аууздан келген, къолдан келсе, ким да патчах болур эди.
- Аш кетер да бет къалыр.
- Борчунг бар эсе, хурджунунга ойлаб узал.
- Ариу сёз аурууунгу алыр.
- Ачны эсинде – аш.
- Шайтан алдады, тюзлюк къаргъады.
- Мураты болгъанны джюрек тебюую башхады.
- Ойнаб айтсанг да, эслеб айт.
- Кёл ашады да, кеси ашады.
- Эли джокъну – кёлю джокъ.
- Бичгенде ашыкъма, тикгенде ашыкъ.
- Кёзню ачылгъаны – иги, ауузну джабылгъаны – иги.
- Аякъларынгы джууургъанынга кёре узат.
- Къарыусузгъа кюлме, онгсузгъа тийме.
- Аман киши кеси юйюнде – къонакъ.
- Сабийликде юретмесенг, уллу болса – тюзелмез.
- Джашны джигитлиги сорулур, къызны джигерлиги сорулур.
- Кенгеш болса, уруш болмаз.
- Сабийни джумушха джибер да, ызындан бар.
- Дуния малгъа сатылма, кесингден телиге къатылма.
- Адамгъа аман кюн соруб келмейди.
- Эки элинги тыйсанг, джети элде махталырса.
- Джолунга кёре – джюрюшюнг, джагъанга кёре – юлюшюнг.
- Сабий кёргенин унутмаз.
- Айтылгъан буйрукъ, сёгюлмез
- Ётюрюк хапар аякъ тюбю бла джюрюйдю.
- Къоркъакъны кёзю экили кёрюр.
- Билгенни къолу къарны джандырыр.
- Адам сёзюнден белгили.
- Къарнынг ауруса, ауузунгу тый
- Кютгени беш эчки, сызгъыргъаны уа, джерни джарады.
- Ашлыкъны арба юйге келтирир, чана базаргъа элтир.
- Джюрекден джюрекге джол барды.
- Ата Джуртча джер болмаз, туугъан элча эл болмаз.
- Тойну къарнашы – харс, джырны къарнашы – эжиу.
- Акъыллы эркиши атын махтар, акъылсыз эркиши къатынын махтар.
- Ашда – бёрю, ишде – ёлю.
- Таугъа чыгъаллыкъ эсенг, тюзде къалма.
- Ёксюзню къалачы уллу кёрюнюр.
- Чомартны къолун джокълукъ байлар.
- Тай асырагъан, атха минер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72