- Узун джолну барсанг, бюгюн келирсе, къысха джолну барсанг, тамбла келирсе.
- Сёз къанатсыз учар.
- Ариу сёз джыланны орнундан чыгъарыр.
- Биреуню къыйынлыгъы бла кесинге джол ишлеме.
- Кеси юйюмде мен да ханма.
- Джаш болсун, къыз болсун, акъылы, саны тюз болсун.
- Бир онгсуз адам адет чыгъарды, деб эштирик тюлсе.
- Кёбден умут этиб, аздан къуру къалма.
- Тилчи тилден къаныкъмаз.
- Алтыда кюлмеген, алтмышда кюлмез.
- Айтылгъан сёз ызына къайтмаз.
- Нёгерсизни джолу узун.
- Билими азны – ауузунда кирит.
- Тил – кесген бычакъ, сёз – атылгъан окъ.
- Этим кетсе да, сюегим къалыр.
- Кёл ашады да, кеси ашады.
- Атынг аманнга чыкъгъандан эсе, джанынг тамагъынгдан чыкъсын.
- Ачны эсинде – аш.
- Келлик заман – къартлыкъ келтирир, кетген заман – джашлыкъ ёлтюрюр.
- Бозанг болмагъан джерге, къалагъынгы сукъма.
- Ёксюзню къалачы уллу кёрюнюр.
- Эл ауузу – элия.
- Ойнай-ойнай кёз чыгъар.
- Керти сёзге тёре джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Уясында не кёрсе, учханында аны этер.
- Садакъачыны джаны – къапчыгъында.
- Ана къойну – балагъа джандет.
- Ашхы адам – халкъ байлыгъы, ашхы джер – джашау байлыгъы.
- Къолу уллу – асыу, аягъы уллу – джарсыу.
- Таукел адам тау тешер.
- Ауругъанны сау билмез, ач къарынны токъ билмез.
- Бир абыннган – минг сюрюнюр.
- Эски джаугъа ышанма.
- Арбаз сайлама да, хоншу сайла.
- Хар ишни да аллы къыйынды.
- Къайгъыны сюйген, къайгъы табар.
- Кёрмегеннге кебек – танг, битмегеннге сакъал – танг.
- Ана къолу ачытмаз.
- Джумушакъ терекни къурт ашар.
- Ач къарынны, токъ билмез
- Ишни аллы бла къууанма да, арты бла къууан.
- Чабакъсыз кёлге къармакъ салгъанлыкъгъа, чабакъ тутмазса.
- Бёрю да ач къалмасын, эчки да ашалмасын.
- Дженгил джетерикме деб, узун джолну къоюб, къысхасын барма.
- Акъыллы эркиши атын махтар, акъылсыз эркиши къатынын махтар.
- Адебни адебсизден юрен.
- Ашда уялгъан – мухар, ишде уялгъан – хомух.
- Гугук кесини атын айтыб къычыргъанча, мен, мен деб нек тураса?
- Ашын ашагъанынгы, башын да сыйла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72