- Хоншуну тауугъу къаз кёрюнюр, келини къыз кёрюнюр.
- Эски джаугъа ышанма.
- Сёз – кюмюш, джыр – алтын.
- Ишге юренсин къоллары, халкъ бла болсун джоллары.
- Ишленмеген джаш – джюгенсиз ат, ишленмеген къыз – тузсуз хант.
- Къолу уллу – асыу, аягъы уллу – джарсыу.
- Къошда джокъгъа – юлюш джокъ.
- Азыкълы ат арымаз, къатыны аман джарымаз.
- Тай асырагъан, атха минер.
- Аш иеси бла татлыды.
- Айтхан – тынч, этген – къыйын.
- Элде адам къалмаса, ит тахтагъа минер.
- Къумурсхала джыйылсала, пилни да джыгъадыла.
- Намысы джокъну – дуниясы джокъ.
- Къыйынлы джети элни къайгъысын этер.
- Джарашыу сюйген – джалынчакъ.
- Ёмюрлюк шохлукъну джел элтмез.
- Кёл ашады да, кеси ашады.
- Иги джашны ышаны – аз сёлешиб, кёб тынгылар.
- Азыкъ аз болса, эртде орун сал.
- Артына баргъанны, къатына барма.
- Айтылгъан буйрукъ, сёгюлмез
- Этек чакъмакълары баш джаргъан, сёлешген сёзлери таш джаргъан.
- Кёлсюзден сёзсюз тууар.
- Джыланны къуйругъундан басарынг келсе, аны башы болгъанын унутма.
- Хар сёзню орну барды.
- Ауузу бла къуш тута айланады.
- Джылыгъа джылан илешир.
- Халкъгъа джарагъан, джарлы къалмаз.
- Ким бла джюрюсенг, аны кёзю бла кёрюнюрсе.
- Сабийни джумушха джибер да, ызындан бар.
- Кесине оноу эте билмеген, халкъына да эте билмез.
- Сакъ юйюне сау барыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашын ашагъанынгы, башын да сыйла.
- Тели турса – той бузар.
- Ата – баланы уясы.
- Керти сёзге тёре джокъ.
- Билим насыб берир, билим джолну керир.
- Сормай – алма, чакъырылмай – барма.
- Ашаса, ашамаса да, бёрюню ауузу – къан.
- Эки итни арасына сюек атма, эки адамны арасында сёз чыгъарма.
- Тойчу джашха къарама, къойчу джашха къара.
- Кёзню ачылгъаны – иги, ауузну джабылгъаны – иги.
- Окъуу – билимни ачхычы, окъуу – дунияны бачхычы.
- Юре билмеген ит, къонакъ келтирир.
- Тау башында, тау болмаз, джангыз терек, бау болмаз.
- Гугурук къычырмаса да, тангны атары къалмаз.
- Билим – акъылны чырагъы.
- Гыдай эчки суугъа къараб, мюйюзле кёрмесе, джашма алкъын, дегенди.
Профиль
|
|
|||