- Бал – татлы, балдан да бала – татлы.
- Ёксюзню къалачы уллу кёрюнюр.
- Ачлыкъда тары гырджын халыуадан татлы.
- Кютгени беш эчки, сызгъыргъаны уа, джерни джарады.
- Аман адам этегингден тутса, кес да къач.
- Тилсиз миллет джокъ болур.
- Уруну арты – къуру.
- Айырылгъанланы айю ашар, бёлюннгенлени бёрю ашар.
- Къозулугъунда тоймагъан, къойлугъунда тоймаз.
- Сабийликде юретмесенг, уллу болса – тюзелмез.
- Зар адам ашынгы ашар, кесинги сатар.
- Сагъыш – къартлыкъгъа сюйюмчю.
- Ёгюзню мюйюзлери ауурлукъ этмейдиле.
- Олтуруб кёрюнмей эди да, ёрге туруб кёрюне эди.
- Дженгил джетерикме деб, узун джолну къоюб, къысхасын барма.
- Кесинге джетмегенни, кёб сёлешме.
- Малны кют, джерни тюрт.
- Башынга джетмегенни сорма.
- Гырджын – тепсини тамадасы.
- Къызбайны юйюне дери сюрсенг, батыр болур.
- Эртде тургъан джылкъычыны эркек аты тай табар.
- Биреуню тёрюнден, кесинги эшик артынг игиди.
- Терслик кетер, тюзлюк джетер.
- Ач, тоймам, дейди, тойгъан, ач болмам, дейди.
- Игилик игилик бла сингдирилиучю затды.
- Эл ауузу – элек, анга ийнаннган – халек.
- Джан саулукъ бермей, сан саулукъ бермезсе.
- Иги адам абынса да, джангылмаз.
- Кёб джашагъан – кёб билир.
- Кийиминг бла танылма, адамлыкъ бла таныл.
- Къарны аманнга къазан такъдырма, къолу аманнга от джакъдырма.
- Телиге от эт десенг, юйюнге от салыр.
- Тёгюлген тюгел джыйылмайды.
- Юреннген ауруу къалмаз.
- Эшекге миннген – биринчи айыб, андан джыгъылгъан – экинчи айыб.
- Урунуу – насыбны анасы.
- Ойнай-ойнай кёз чыгъар.
- Тешигини къатында, чычхан да батыр болур.
- Кёкдеги болмаса, джердегин кёрмейди.
- Билимли ёлмез, билимсиз кёрмез.
- Эринчекге кюн узун.
- Къан бла кирген, джан бла чыгъар.
- Ашхы сёз таш тешер.
- Акъыл неден да кючлюдю.
- Тура эдим джата, къайдан чыкъды хата?
- Сабий кёргенин унутмаз.
- Аш кетер да бет къалыр.
- Уллу суу бла уллу ауруудан башынгы сакъла.
- Кирсизни – саны таза, халалны – къаны таза.
- «Ма», - дегенни билмесенг, «бер», - дегенни билмезсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72