- Юй ишлеген балта эшикде къалыр.
- Джаш болсун, къыз болсун, акъылы, саны тюз болсун.
- Акъыл бла адеб эгизледиле.
- Татлы сёз – балдан татлы.
- Сагъыш – къартлыкъгъа сюйюмчю.
- Орну джокъну – сыйы джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Суу кетер, таш къалыр.
- Аман киши кеси юйюнде – къонакъ.
- Ойнаб айтсанг да, эслеб айт.
- Джети тилни билген джети кишиди.
- Борчунг бар эсе, хурджунунга ойлаб узал.
- Ашхы – джыяр, аман – джояр.
- Ач да бол, токъ да бол – намысынга бек бол.
- Адеб этмеген, адеб кёрмез.
- Аман адамны тепсинге олтуртсанг, къызынгы тилер.
- Джюрек кёзден алгъа кёрюр.
- Ашаса, ашамаса да, бёрюню ауузу – къан.
- Джылкъыдан – ат чыгъар, тукъумдан – джаш чыгъар.
- Адам боллукъ, атламындан белгили болур.
- Бети къызарыучу адамны, джюреги харам болмаз.
- Аман адам этегингден тутса, кес да къач.
- Хазыр ашха – терен къашыкъ.
- Окъугъанны бети джарыкъ.
- Айтхан – тынч, этген – къыйын.
- Билим ат болуб да чабар, къуш болуб да учар.
- Хар зат кесини орнуна иги.
- Хоншуну тауугъу къаз кёрюнюр, келини къыз кёрюнюр.
- Адам туугъан джеринде, ит тойгъан джеринде.
- Бойнуму джети джерден кессенг да, мен ол ишни этеллик тюлме.
- Айырылмаз джууугъунга, унутмаз сёзню айтма.
- Билими азны – ауузунда кирит.
- Ачны эсинде – аш.
- Тик ёргени, тик энгишгеси да болады.
- Эки къатын алгъанны къулагъы тынгнгаймаз.
- Эм уллу байлыкъ – джан саулукъ.
- Накъырданы арты керти болур.
- Сакъламагъан затынга джолукъсанг, не бек къууанаса, не бек ачыйса.
- Рысхы джалгъанды: келген да этер, кетген да этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Харам къарнашдан, халал тенг ашхы.
- Тюзлюк тас болмайды.
- Туз, гырджын аша, тюзлюк бла джаша.
- Эркишини аманы тиширыуну джылатыр.
- Бал ашаргъа сюе эсенг, чибин ургъаннга тёз.
- Ат да турмайды бир териде.
- Къозулугъунда тоймагъан, къойлугъунда тоймаз.
- Аманнга алтын чыдамаз.
- Ишни аллы бла къууанма да, арты бла къууан.
- Адамны артындан къара сабан сюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72