- Окъуусуз билим – джокъ, билимсиз кюнюнг – джокъ.
- Ашхы – джыяр, аман – джояр.
- Айраннга суу къош, телиге джол бош.
- Экеу тутушса, биреу джыгъылыр.
- Таш бла ургъанны, аш бла ур.
- Къонакъ хазыр болгъанлыкъгъа, къонакъбай хазыр тюлдю.
- Ауурну тюбю бла, дженгилни башы бла джюрюген.
- Сёз садакъдан кючлюдю.
- Къонагъы джокъну – шоху джокъ.
- Эркишини аманы тиширыуну джылатыр.
- Сакъламагъан затынга джолукъсанг, не бек къууанаса, не бек ачыйса.
- Акъылсызны джууукъгъа алма, акъыллыны кенгнге салма.
- Келинин тута билмеген, къул этер, къызын тута билмеген, тул этер.
- Сагъышы джокъ – джукъучу, акъылы джокъ – къаугъачы.
- Чёбню кёлтюрсенг, тюбюнден сёз чыгъар.
- Кийимни бир кюнню аясанг, минг кюннге джарар.
- Борчунг бар эсе, хурджунунга ойлаб узал.
- Ишни аллы бла къууанма да, арты бла къууан.
- Халкъгъа джарагъан, джарлы къалмаз.
- Ариу джол аджал келтирмез.
- Намыс сатылыб алынмайды.
- Билим насыб берир, билим джолну керир.
- Дуния аламаты сен эсенг да, игиме деб айтма.
- Джылар джаш, атасыны сакъалы бла ойнар.
- Сютню башын джалагъан къутулур, тюбюн ичген тутулур.
- Бети бедерден, намыс сакълама.
- Джыланны къуйругъундан басарынг келсе, аны башы болгъанын унутма.
- Элни кючю – эмеген.
- Хар адамгъа кеси миннген тау кибик.
- Аджаллыгъа окъсуз шкок атылыр.
- Артына баргъанны, къатына барма.
- Аманнга алтын чыдамаз.
- Тенгинг джокъ эсе – изле, бар эсе – сакъла!
- Aдам боллукъ, сыфатындан белгили.
- Башсыз урчукъ тюзюне айланмаз.
- Кёпюр салгъан кеси ётер, уру къазгъан кеси кетер.
- Билим – акъылны чырагъы.
- Эринчекге кюн узун.
- Къатын байлыкъны сюер, эр саулукъну сюер.
- Джылкъыдан – ат чыгъар, тукъумдан – джаш чыгъар.
- Мал ёлсе, сюек къалыр, адам ёлсе, иши къалыр.
- Тил бла келеди джыр да.
- Ариуну – ауруу кёб.
- Тенгни тенглиги джашай барсанг билинир.
- Кеси юйюмде мен да ханма.
- Башланнган иш битер, къымылдагъан тиш тюшер.
- Этни да ашады, бетни да ашады.
- Башы джабылгъан челекге, кир тюшмез.
- Сютден ауузу кюйген, суугъа юфгюре эди.
- Ёлген эшек бёрюден къоркъмайды.
Профиль
|
|
|||