- Эки къатын алгъан – эки ташны ортасына башын салгъан.
- Ёгюзню мюйюзюнден тутадыла, адамны сёзюнден тутадыла.
- Ана кёлю – балада, бала кёлю – талада.
- Асхат ашлыкъ сата, юйдегиси ачдан къата.
- Сабий болмагъан джерде, мёлек болмаз.
- Ариу сёз аурууунгу алыр.
- Хар адамгъа кеси миннген тау кибик.
- Иги сеники эсе да, сюйген кесимикин этеме.
- Алтыда кюлмеген, алтмышда кюлмез.
- Юйюнгден чыкъдынг – кюнюнгден чыкъдынг.
- Иги сёз – джаннга азыкъ, аман сёз башха – къазыкъ.
- Къайгъы тюбю – тенгиз.
- Суу ичген шауданынга тюкюрме.
- Эте билген, этген этеди, эте билмеген, юретген этеди!
- Эркишини аманы тиширыуну джылатыр.
- Адамгъа аман кюн соруб келмейди.
- Иги джашны ышаны – аз сёлешиб, кёб тынгылар.
- Къан бла кирген, джан бла чыгъар.
- Эли джокъну – кёлю джокъ.
- Адам къаллай бир ишленмесе, аллай бир кесин уллу кёреди.
- Ат да турмайды бир териде.
- Тёрени джагъы джокъ.
- Билим – акъылны чырагъы.
- Байлыкъ тауусулур, билим тауусулмаз.
- Биреуню эскиси биреуге джангы болмайды.
- Иги болса, тамадама – махтау, аман болса, меннге – айыб.
- Джашынгы кесинг юретмесенг, джашау юретир.
- Дууулдаса – бал чибин, къонса – къара чибин.
- Мал тутхан – май джалар.
- Къоркъакъны кёзю экили кёрюр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эм уллу байлыкъ – джан саулукъ.
- Хантына кёре тузу, юйюне кёре къызы.
- Рысхысына кёре, джаш ёсер, къышлыгъына кёре, мал ёсер.
- Таякъ этден ётер, тил сюекден ётер.
- Эл ауузу – элек, анга ийнаннган – халек.
- Таш ата билмеген, башына урур.
- Бермеген къол, алмайды.
- Келлик заман – къартлыкъ келтирир, кетген заман – джашлыкъ ёлтюрюр.
- Кёбге таш атма.
- Аллахдан тилесенг, кёб тиле.
- Иги – алгъыш этер, аман – къаргъыш этер.
- Билеги кючлю, бирни джыгъар, билими кючлю, мингни джыгъар.
- Къарт айтханны этмеген, къартаймаз.
- Башынга джетмегенни сорма.
- Эки къатын алгъанны къулагъы тынгнгаймаз.
- Рысхы – сют юсюнде кёмюк кибикди.
- Кёзню ачылгъаны – иги, ауузну джабылгъаны – иги.
- Кюн – узун, ёмюр – къысха.
- Хатерли къул болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72