- Ариу сёз аурууунгу алыр.
- Аман хансны – урлугъу кёб.
- Джылкъыдан – ат чыгъар, тукъумдан – джаш чыгъар.
- Тенгни тенглиги джашай барсанг билинир.
- Джашынгы кесинг юретмесенг, джашау юретир.
- Эр абынмай, эл танымаз.
- Тамчы таш тешер.
- Нёгерсизни джолу узун.
- Бети бедерден, намыс сакълама.
- Хар ишни да аллы къыйынды.
- Чакъырылгъанны аты, чакъырылмагъанны багъасы болур.
- Чомарт бергенин айтмаз.
- Айтхан сёзюне табылгъан.
- Насыб бютеу халкъны юлюшюдю.
- Аууздан келген, къолдан келсе, ким да патчах болур эди.
- Чыбыкълыкъда бюгюлмеген, къазыкълыкъда бюгюлмей эди.
- Артына баргъанны, къатына барма.
- Кийиминг бла танылма, адамлыкъ бла таныл.
- Эшекге миннген – биринчи айыб, андан джыгъылгъан – экинчи айыб.
- Адеб этмеген, адеб кёрмез.
- Телиге от эт десенг, юйюнге от салыр.
- Сабийликде юретмесенг, уллу болса – тюзелмез.
- Кёл ашады да, кеси ашады.
- Оюмсуз атлагъан, аджалсыз ёлюр.
- Джашлыкъ этмеген, башлыкъ этмез.
- Адам сёзюнден белгили.
- От кюйдюрген, сау болса да, тот кюйдюрген, сау болмаз.
- Ауурну тюбю бла, дженгилни башы бла джюрюген.
- Джарлыны тону джаз битер.
- Мадар болса, къадар болур.
- Окъугъан озар, окъумагъан тозар.
- Гыдай эчки суугъа къараб, мюйюзле кёрмесе, джашма алкъын, дегенди.
- Ариу сёз – джаннга азыкъ, аман сёз – башха къазыкъ.
- Айныгъанлы алты кюн, тогъайгъанлы тогъуз кюн.
- Къыз чыгъаргъан – къызыл къымжа.
- Мен да «сен», дейме, сен да «кесим», дейсе.
- Айран тёгюлсе, джугъусу къалыр.
- Ётюрюкчюню шагъаты – къатында.
- Уллу атлама – абынырса, уллу къабма – къарылырса.
- Иги адамны бир сёзю эки болмаз.
- Атынг аманнга чыкъгъандан эсе, джанынг тамагъынгдан чыкъсын.
- Тойну къарнашы – харс, джырны къарнашы – эжиу.
- Тыш элде солтан болгъандан эсе, кесинги элде олтан болгъан игиди!
- Чакъырылмагъан къонакъ къачан кетерин сормаз.
- Къартны бурнун сюрт да, оноугъа тут.
- Билмезни кёзю кёрмез, этмезни къулагъы эшитмез.
- Этни да ашады, бетни да ашады.
- Ёлмесенг да, къарт дамы болмазса?
- Игиге айтсанг – билир, аманнга айтсанг – кюлюр.
- Суу ичген шауданынга тюкюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72