- Бозанг болмагъан джерге, къалагъынгы сукъма.
- Ауругъан – джашаудан умутчу.
- Тил – миллетни джаны.
- Чомартны къолун джокълукъ байлар.
- Къумурсхала джыйылсала, пилни да джыгъадыла.
- Эринчекни эр алмаз, эр алса да, кёл салмаз, кёл салса да, кёб бармаз!
- Аз сёлешген, къайгъысыз турур.
- Чомартны къолу берекет.
- Аманнга да, игиге да оноусуз къатышма.
- Къарт айтханны этмеген, къартаймаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сангырау къулакъ эл бузар.
- Булут кёкге джарашыу, уят бетге джарашыу.
- Ариу сёзде ауруу джокъ.
- Къарнынг ауруса, ауузунгу тый
- Бек анасы джыламаз.
- Агъач халкъгъа алтынды, иссиликге салкъынды.
- Бир абыннган – минг сюрюнюр.
- Кюл тюбюндеги от кёрюнмейди.
- Ойнай-ойнай кёз чыгъар.
- Иги – алгъыш этер, аман – къаргъыш этер.
- Биреуге кёлтюрген таягъынг, кесинги башынга урур.
- Тил джюрекге джол ишлейди.
- Туз, гырджын аша, тюзлюк бла джаша.
- Ёлмесенг да, къарт дамы болмазса?
- Башда акъыл болмаса, эки аякъгъа кюч джетер.
- Кёзню ачылгъаны – иги, ауузну джабылгъаны – иги.
- Кёлю джокъну – джолу джокъ.
- Джогъун бар этген, барын бал этген.
- Тулпарлыкъ, билекден тюл – джюрекден.
- Халкъны юйю – туугъан джери.
- Айтылгъан сёз ызына къайтмаз.
- Байдан умут эте, джарлыдан ёгюз багъасы къорады.
- Бал чибинни ургъаны – ачы, балы – татлы.
- Биреуню къыйынлыгъы бла кесинге джол ишлеме.
- Ёлюк кебинсиз къалмаз.
- Къонакъ кёб келюучю юйню, къазаны отдан тюшмез.
- Адамны бетине къарама, адетине къара.
- Эллинг бла джау болсанг да, юйюнг бла джау болма.
- Кёзюнде тереги болгъан, чёбю болгъаннга кюле эди.
- Адамны джюреги нени кёрюрге сюйсе, кёзю да аны кёрюрге ёч болады.
- Ишлерге уял да, ашаргъа табма.
- Эки элинги тыйсанг, джети элде махталырса.
- Байлыкъдан саулукъ ашхыды.
- Къатын байлыкъны сюер, эр саулукъну сюер.
- Ышармагъан – кюлмез, кюлмеген – къууанчны билмез.
- Чалманны аллы къалай башланса, арты да алай барады.
- Мадар болса, къадар болур.
- Мал тутхан – май джалар.
- Сёз садакъдан кючлюдю.
Профиль
|
|
|||