- Тулпарлыкъ, билекден тюл – джюрекден.
- Джылыгъа джылан илешир.
- Ауругъаннга – кийик саулукъ, джетген къызгъа – чилле джаулукъ.
- Таукел тауну аудурур.
- Эки къатын алгъан – эки ташны ортасына башын салгъан.
- Джарлы эскисин джамаса, къууаныр.
- Татлы сёз – балдан татлы.
- Ишин билген, аны сыйын чыгъарады.
- Адам къаллай бир ишленмесе, аллай бир кесин уллу кёреди.
- Джол бла сёзню къыйыры джокъ.
- Арба аугъандан сора, джол кёргюзтюучю кёб болур.
- Арпа, будай – ащды, алтын, кюмюш а – ташды.
- Джюрек кёзден алгъа кёрюр.
- Байны къызы баймакъ болса да, юйде къалмаз!
- Юйюнгден чыкъдынг – кюнюнгден чыкъдынг.
- Кёб къычыргъандан – къоркъма, тынч олтургъандан – къоркъ.
- Намысы болмагъанны, сыйы болмаз.
- Билимли ёлмез, билимсиз кёрмез.
- Эринчекни эр алмаз, эр алса да, кёл салмаз, кёл салса да, кёб бармаз!
- Тенги кёбню джау алмаз, акъылы кёбню дау алмаз.
- Джаш болсун, къыз болсун, акъылы, саны тюз болсун.
- Соргъан айыб тюлдю, билмеген айыбды.
- Кёзюнде тереги болгъан, чёбю болгъаннга кюле эди.
- Бетинги сатма, малынгы сат.
- Биреу ашаб къутулур, биреу джалаб тутулур.
- Къууут – джелге, берне – бошха.
- Башы ишлегенни, ауузу да ишлер.
- Къыйынлы джети элни къайгъысын этер.
- Башсыз урчукъ тюзюне айланмаз.
- Ат басханны джер билед.
- Тас болгъан бычакъны сабы – алтын.
- Уллу суу бла уллу ауруудан башынгы сакъла.
- Баш – акъыл ючюн, акъылман – халкъ ючюн.
- Тил – миллетни джаны.
- Аманнга игилик этсенг, юйюнге сау бармазса.
- Шапа кёб болса, аш татымсыз болур.
- Ана къойну – балагъа джандет.
- Ёксюзню тилеги къабыл болур.
- Зар адам ашынгы ашар, кесинги сатар.
- Акъыл аздырмаз, билим тоздурмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Акъыллы – эл иеси, тели – эл баласы.
- Джаным-тиним – окъуу, билим.
- Ашха уста, юйюнде болсун
- Босагъагъа джууукъ орун болса, ашыгъыб тёрге озма.
- Малны кют, джерни тюрт.
- Танг атмайма десе да, кюн къоярыкъ тюйюлдю.
- Джашны джигитлиги сорулур, къызны джигерлиги сорулур.
- Тешик этген тынчды, аны джамагъан къыйынды.
- Ауругъан – джашаудан умутчу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72