- Джарлы тюеге минсе да, ит къабар.
- Чомарт къолда мал къалмаз.
- Тыш элде солтан болгъандан эсе, кесинги элде олтан болгъан игиди!
- Тамчы таш тешер.
- Байлыкъ адамны сокъур этер.
- Аш берме да, къаш бер.
- Келинни – келгинчи, бёркню кийгинчи кёр.
- Сёз – кюмюш, джыр – алтын.
- Сакъалы текени да бар, мыйыгъы киштикни да бар.
- Къаллай салам берсенг, аллай джууаб алырса.
- Айраннга суу къош, телиге джол бош.
- Эшекни не къадар тюйсенг да, ат болмаз.
- Суугъа – чабакъ, къаягъа – ыргъакъ.
- Бойнуму джети джерден кессенг да, мен ол ишни этеллик тюлме.
- Тау башында, тау болмаз, джангыз терек, бау болмаз.
- Кёбден умут этиб, аздан къуру къалма.
- Окъугъанны бети джарыкъ.
- Сагъыш – къартлыкъгъа сюйюмчю.
- Ёлген аслан – сау чычхан.
- Ёгюзню мюйюзюнден тутадыла, адамны сёзюнден тутадыла.
- Уллу къашыкъ эрин джыртар.
- Ашда уялгъан – мухар, ишде уялгъан – хомух.
- Терслик кетер, тюзлюк джетер.
- Ишин билген, аны сыйын чыгъарады.
- Рысхысына кёре, джаш ёсер, къышлыгъына кёре, мал ёсер.
- Ашарыкъда сайлагъаннга – чий гырджын.
- Урунуу – насыбны анасы.
- Биреуню эскиси биреуге джангы болмайды.
- Къатыны харакетли болса, эри къымсыз болур.
- Биреуню тёрюнден, кесинги эшик артынг игиди.
- Ашыкъгъан cуу, тенгизге джетмез.
- Ётюрюкню къуйругъу – бир тутум.
- Туз, гырджын аша, тюзлюк бла джаша.
- Башда акъыл болмаса, эки аякъгъа кюч джетер.
- Къобан да къуру да къобханлай турмайды, адам да къуру да патчахлай турмайды.
- Этни бети бла шорпасы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джарлыны тону джаз битер.
- Аман къатын сабий табса, бий болур…
- Абынмазлыкъ аякъ джокъ, джангылмазлыкъ джаякъ джокъ.
- Тойгъанлыкъ къойгъа джарашады.
- Джетген къыз джерли эшекни танымаз.
- Битмегеннге сакъал – танг.
- Тойгъан антын унутур.
- Къарт бла баш аша, джаш бла аякъ аша.
- Бек анасы джыламаз.
- Ётюрюкчюню шагъаты – къатында.
- Сабий болмагъан джерде, мёлек болмаз.
- Аман эсирсе, юйюн ояр.
- Ата – баланы уясы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72