- Таугъа чыгъаллыкъ эсенг, тюзде къалма.
- Ауругъаннга – кийик саулукъ, джетген къызгъа – чилле джаулукъ.
- Тюзлюк тас болмайды.
- Ашхы тенг джолгъа салыр, аман тенг джолдан тайдырыр.
- Рысхы джалгъанды: келген да этер, кетген да этер.
- Джукъу тёшек сайламайды.
- Асхат ашлыкъ сата, юйдегиси ачдан къата.
- Бюгюн дуния кибик, тамбла ахыратды.
- Эки къатын алгъан – эки ташны ортасына башын салгъан.
- Ашына кёре табагъы, балына кёре къалагъы.
- Окъугъан – асыу, окъумагъан – джарсыу.
- От кюйдюрген, сау болса да, тот кюйдюрген, сау болмаз.
- Алма терегинден кери кетмез.
- Махтаннган къыз, тойда джукълар.
- Къарнынг бла ёч алма.
- Киштикге къанат битсе, чыпчыкъ къалмаз эди.
- Чомарт бергенин айтмаз.
- Джарлыны тону джаз битер.
- Онгсузну – джакъла, тенгликни – сакъла.
- Эринчекни аурууу – кёб.
- Юйюнгден чыкъдынг – кюнюнгден чыкъдынг.
- Ач – эснер, ат – кишнер.
- Айтылгъан буйрукъ, сёгюлмез
- Арбаз сайлама да, хоншу сайла.
- Аз айтсам, кёб ангылагъыз.
- Джарлы джети элни сёзюн этер.
- Битмегеннге сакъал – танг.
- Кёб джат да, бек чаб.
- Чомарт къолда мал къалмаз.
- Адам боллукъ, атламындан белгили болур.
- Хар сёзню орну барды.
- Таш ата билмеген, башына урур.
- Кюлме джашха – келир башха.
- Кёлю джокъну – джолу джокъ.
- Дженгил джетерикме деб, узун джолну къоюб, къысхасын барма.
- Ёлюр джаннга, ёкюл джокъ.
- Эшекни не къадар тюйсенг да, ат болмаз.
- Къыз чыгъаргъан – къызыл къымжа.
- Чабар ат – джетген къыз.
- Къарнынг ауруса, ауузунгу тый
- Адеб джокъда, намыс джокъ.
- Игилик игилик бла сингдирилиучю затды.
- Акъыллы эркиши атын махтар, акъылсыз эркиши къатынын махтар.
- Окъугъан озар, окъумагъан тозар.
- Хата – гитчеден.
- Ата – билек, ана – джюрек!
- Аманны тукъумуна къарама, игини тукъумун сорма.
- Ёгюзню мюйюзлери ауурлукъ этмейдиле.
- Зар адамны насыбы болмаз.
- Билмегенинги, билгеннге сор.
Профиль
|
|
|||