- Хантына кёре тузу, юйюне кёре къызы.
- Джарлы джети элни сёзюн этер.
- Нёгерсизни джолу узун.
- Садакъачыны джаны – къапчыгъында.
- Окъ къызбайны джокълайды.
- Къонакъ аман болса, къонакъбай джунчур
- Джангыз торгъай джырламаз.
- Джашынгы кесинг юретмесенг, джашау юретир.
- Тыш элде солтан болгъандан эсе, кесинги элде олтан болгъан игиди!
- Къарнынг къанлынга кийирир.
- Кёлсюзден сёзсюз тууар.
- Ойнаб айтсанг да, эслеб айт.
- Билгенни къолу къарны джандырыр.
- Джети тилни билген джети кишиди.
- Магъанасыз сёз – тауушсуз сыбызгъы.
- Сибиртки да сыйлы болду, кюрек да кюнлю болду.
- Кийимни бир кюнню аясанг, минг кюннге джарар.
- Юйюнг бла джау болгъандан эсе, элинг бла джау бол.
- Байны оноуу, джарлыгъа джарамаз.
- Тили узунну, намысы – къысха.
- Джыйырма къойну юч джыйырма эбзе кюте эди.
- Агъач халкъгъа алтынды, иссиликге салкъынды.
- Ачыу алгъа келсе, акъыл артха къалады.
- Эр абынмай, эл танымаз.
- Керек ташны ауурлугъу джокъ.
- Аман адамны тепсинге олтуртсанг, къызынгы тилер.
- Ашха уста, юйюнде болсун
- Чёбню кёлтюрсенг, тюбюнден сёз чыгъар.
- Ишленмеген джаш – джюгенсиз ат, ишленмеген къыз – тузсуз хант.
- Адам къаллай бир ишленмесе, аллай бир кесин уллу кёреди.
- Акъыллы – эл иеси, тели – эл баласы.
- Тиширыусуз юй – отсуз от джагъа.
- Ашыкъгъанны этеги бутуна чырмалыр.
- Байлыкъ тауусулур, билим тауусулмаз.
- Азыкълы ат арымаз, къатыны аман джарымаз.
- Джюрек кёзден алгъа кёрюр.
- Тойгъандан сора, ашны сёкме.
- Суу да къайтады чыкъгъан джерине.
- Аллахха ийнаннган кишини, Аллах онгдурур ишин.
- Къарт болгъан джерде, берекет болур, сабий болгъан джерде, оюн болур.
- Олтуруб кёрюнмей эди да, ёрге туруб кёрюне эди.
- Гыдай эчки суугъа къараб, мюйюзле кёрмесе, джашма алкъын, дегенди.
- Билеги кючлю, бирни джыгъар, билими кючлю, мингни джыгъар.
- Танг атмайма десе да, кюн къоярыкъ тюйюлдю.
- Тилсиз миллет джокъ болур.
- Акъыллы айтыр эди, акъылсыз къоймайды.
- Ачыкъ джюрекге джол – ачыкъ.
- Этим кетсе да, сюегим къалыр.
- Кюлме джашха – келир башха.
- Булут кёкге джарашыу, уят бетге джарашыу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72