- Алтыда кюлмеген, алтмышда кюлмез.
- Билим насыб берир, билим джолну керир.
- Айырылгъанланы айю ашар, бёлюннгенлени бёрю ашар.
- Джахил болса анасы, не билликди баласы?
- Акъыллы – эл иеси, тели – эл баласы.
- Дуния мал дунияда къалады.
- Сакъ юйюне сау барыр.
- Чёбню кёлтюрсенг, тюбюнден сёз чыгъар.
- Айран тёгюлсе, джугъусу къалыр.
- Аз сёлеш, кёб ишле.
- Илму – джашауну джолу.
- Кёрмегеннге кебек – танг, битмегеннге сакъал – танг.
- Адам къаллай бир ишленмесе, аллай бир кесин уллу кёреди.
- Аманны эки битли тону болур, бирин сеннге кийдирир, бирин кеси киер.
- Джеринден айырылгъан – джети джылар, джуртундан айырылгъан – ёлгюнчю джылар.
- Таугъа чыгъаллыкъ эсенг, тюзде къалма.
- Ата Джуртуму башы болмасам да, босагъасында ташы болайым.
- Чакъырылмагъан къонакъ тёрге атламаз.
- Ариу сёз – джаннга азыкъ, аман сёз – башха къазыкъ.
- Юйюнгден чыкъдынг – кюнюнгден чыкъдынг.
- Суу да къайтады чыкъгъан джерине.
- Тил бла келеди джыр да.
- Сууда джау джокъ, кёб сёзде магъана джокъ.
- Иги джашны ышаны – аз сёлешиб, кёб тынгылар.
- Уллу къазанда бишген эт, чий къалмаз.
- Киштикге къанат битсе, чыпчыкъ къалмаз эди.
- Кёб джат да, бек чаб.
- Адамны аты башхача, акъылы да башхады.
- Чабакъгъа акъыл, табагъа тюшсе келеди.
- Хар зат кесини орнуна иги.
- Адам сёзге тынгыла, акъыл сёзню ангыла.
- Урунуу – насыбны анасы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ышармагъан – кюлмез, кюлмеген – къууанчны билмез.
- Ата – баланы уясы.
- Къонагъы джокъну – шоху джокъ.
- Аман адам этегингден тутса, кес да къач.
- Бозаны арты дауур болур.
- Юй кюйдю да, кюйюз чыкъды, ортасындан тюйюш чыкъды.
- Байны къызы баймакъ болса да, юйде къалмаз!
- Билимли ёлмез, билимсиз кёрмез.
- Джюрекге ариу – кёзге да ариу.
- Кёз – сюйген джерде, къол – ауругъан джерде.
- Атлыны кёрсе, джаяуну буту талыр.
- Аш берме да, къаш бер.
- Кёбге таш атма.
- Къыйынлы джети элге оноу этер.
- Мадар болса, къадар болур.
- Эртде тургъан бла эртде юйленнген сокъуранмаз.
- Уллу атлама – абынырса, уллу къабма – къарылырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72