- Байлыкъдан саулукъ ашхыды.
- Чомарт джарлы болмаз.
- Агъач – джерни чырайы, кийим – эрни чырайы.
- Сёз садакъдан кючлюдю.
- Урама да – ёледи, сатама да – келеди.
- Чарсда алчыны эл кёреди.
- Аджал соруб келмез, келсе, къайтыб кетмез.
- Бёрю да ач къалмасын, эчки да ашалмасын.
- Сёлеш деб шай берген, тохта деб, сом берген.
- Ачны эсинде – аш.
- Арба аугъандан сора, джол кёргюзтюучю кёб болур.
- Ётюрюк хапар аякъ тюбю бла джюрюйдю.
- Харам къарнашдан, халал тенг ашхы.
- Ата – баланы уясы.
- Къыйынлы джети элге оноу этер.
- Адамны адамлыгъы къыйынлыкъда айгъакъланады.
- Этни да ашады, бетни да ашады.
- «Ма», - дегенни билмесенг, «бер», - дегенни билмезсе.
- Аманны тукъумуна къарама, игини тукъумун сорма.
- Бичгенде ашыкъма, тикгенде ашыкъ.
- Байлыкъ келсе, акъыл кетер.
- Ачлыкъда тары гырджын халыуадан татлы.
- Ашыкъгъан cуу, тенгизге джетмез.
- Айтылгъан сёз ызына къайтмаз.
- Намыс сатылыб алынмайды.
- Эртде тургъан джылкъычыны эркек аты тай табар.
- Чомарт къолда мал къалмаз.
- Джангыз торгъай джырламаз.
- Aдам боллукъ, сыфатындан белгили.
- Ач къалгъандан, кеч къалгъан къолай.
- Кесине оноу эте билмеген, халкъына да эте билмез.
- Джерни букъусу кёкге къонмаз.
- Чабар ат – джетген къыз.
- Ойнаб айтсанг да, эслеб айт.
- Билим къая тешер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адам къаллай бир ишленмесе, аллай бир кесин уллу кёреди.
- Айтхан сёзюне табылгъан.
- Къыз чыгъаргъан – къызыл къымжа.
- Ёлмесенг да, къарт дамы болмазса?
- Этни бети бла шорпасы.
- Кёзню ачылгъаны – иги, ауузну джабылгъаны – иги.
- Шайтан алдады, тюзлюк къаргъады.
- Дженгил джетерикме деб, узун джолну къоюб, къысхасын барма.
- Байлыкъ адамны сокъур этер.
- Аз сёлеш, кёб ишле.
- Къолунгдан къуймакъ ашатсанг да, атаны борчундан къутулмазса.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ариуну – ауруу кёб.
- Ойнай билмеген, оюн бузар.
Профиль
|
|
|||