- Чомарт къонакъ юй иесин сыйлар.
- Кёл – къызбай, къол – батыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Къартха ушагъан джаш – акъыллы, джашха ушагъан къарт – тели.
- Кюл тюбюндеги от кёрюнмейди.
- Билим – акъылны чырагъы.
- Адамны сабийин сюйген джюреги, бычакъча, джитиди.
- Кюн – узун, ёмюр – къысха.
- Керек ташны ауурлугъу джокъ.
- Биреуге кёлтюрген таягъынг, кесинги башынга урур.
- Сагъышы джокъ – джукъучу, акъылы джокъ – къаугъачы.
- Билим ат болуб да чабар, къуш болуб да учар.
- Бермеген къол, алмайды.
- Къыз келсе, джумуш эте келеди, къатын келсе, ушакъ эте келеди.
- Окъугъан озар, окъумагъан тозар.
- Садакъачыны джаны – къапчыгъында.
- Аман адам этегингден тутса, кес да къач.
- Ариу сёз – къылычдан джити.
- Тойгъа алгъа да барма, тойда артха да къалма.
- Джуртун къоругъан озар.
- Тура эдим джата, къайдан чыкъды хата?
- Урама да – ёледи, сатама да – келеди.
- Накъырданы арты керти болур.
- Эли джокъну – кёлю джокъ.
- Айранны сюйген, ийнек тутар.
- Аджашханны ызындагъы кёреди, джангылгъанны джанындагъы биледи.
- Тил бла келеди джыр да.
- Тюкюрюк баш джармаз, налат кёз чыгъармаз!
- Кесинге джетмегенни, кёб сёлешме.
- Хансыз джомакъ болмаз.
- Тилде сюек болмаса да, сюек сындырыр.
- Этни бети бла шорпасы.
- Къыз чыгъаргъан – къызыл къымжа.
- Терслик кетер, тюзлюк джетер.
- Кёзден кетген, кёлден да кетеди.
- Баш – акъыл ючюн, акъылман – халкъ ючюн.
- Ариу сёзде ауруу джокъ.
- Кёбден умут этиб, аздан къуру къалма.
- Накъырда – кертини келечиси.
- Ариу сёз аурууунгу алыр.
- Кёлю джокъну – джолу джокъ.
- Эшекни не къадар тюйсенг да, ат болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Ёксюзню къалачы уллу кёрюнюр.
- Берекет берсин деген джерде, берекет болур.
- Бал – татлы, балдан да бала – татлы.
- Сакъ юйюне сау барыр.
- Эл тойса, тоймагъан, эл къойса, къоймагъан.
- Билим къая тешер.
- Ашына кёре табагъы, балына кёре къалагъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72