- Ёлюр джаннга, ёкюл джокъ.
- Элни кючю – эмеген.
- Джахил болса анасы, не билликди баласы?
- Тенгни тенглиги джашай барсанг билинир.
- Къалгъан ишге къар джауар.
- Эркишиге тары кебек танг кёрюнюр.
- Акъыллы айтыр эди, акъылсыз къоймайды.
- Къыз чыгъаргъан – къызыл къымжа.
- Мал кёб болса, джууукъ кёб болур.
- Хунаны тюбюн къазсанг, юсюнге ауар.
- Айтылгъан сёз ызына къайтмаз.
- Уллу суу бла уллу ауруудан башынгы сакъла.
- Асхат ашлыкъ сата, юйдегиси ачдан къата.
- Мураты болгъанны джюрек тебюую башхады.
- Эл бла кёргенинг эрелей.
- Намыс болмагъан джерде, насыб болмаз.
- Кёбден умут этиб, аздан къуру къалма.
- Ата Джуртун танымагъан, атасын да танымаз.
- Джыланны къуйругъундан басарынг келсе, аны башы болгъанын унутма.
- Сабий болмагъан джерде, мёлек болмаз.
- Уллу айтханны этмеген – уллаймаз.
- Тюзлюк шохлукъну бегитир.
- Эте билген, этген этеди, эте билмеген, юретген этеди!
- Кюн – узун, ёмюр – къысха.
- Джигер – джаннга къыйынлыкъ.
- Тулпарлыкъ, билекден тюл – джюрекден.
- Азыгъы аз, алгъа къабар, аты аман, алгъа чабар.
- Къанны къан бла джуума, аманны аман бла къуума.
- Агъач халкъгъа алтынды, иссиликге салкъынды.
- Юйюнг бла джау болгъандан эсе, элинг бла джау бол.
- Чакъырылмагъан къонакъ тёрге атламаз.
- Aдам боллукъ, сыфатындан белгили.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёпюр салгъан кеси ётер, уру къазгъан кеси кетер.
- Ёлюк кебинсиз къалмаз.
- Ашхы – джыяр, аман – джояр.
- Таукел къуру къалмаз.
- Бет бетге къараса, бет да джерге къарар.
- Нарт сёз – тилни бети.
- Ана къойну – балагъа джандет.
- Джауумдан сора, кюн кюйдюрюр, ётюрюкден сора, айыб кюйдюрюр.
- Накъырданы арты керти болур.
- «Ёгюз, джаргъа джууукъ барма, меннге джюк боллукъса», - дегенди эшек.
- Сескекли кесин билдирир.
- Къатыны харакетли болса, эри къымсыз болур.
- Къатын байлыкъны сюер, эр саулукъну сюер.
- Адамны сабийин сюйген джюреги, бычакъча, джитиди.
- Джерни букъусу кёкге къонмаз.
- Джашынгы кесинг юретмесенг, джашау юретир.
- Аманны къуугъан, аманлыкъ табар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72