- Кёбню кёрген – кёб билир.
- Джиби бир къат джетмей эди да, эки къат тарта эди.
- Узун джолну барсанг, бюгюн келирсе, къысха джолну барсанг, тамбла келирсе.
- Къарт бла баш аша, джаш бла аякъ аша.
- Артына баргъанны, къатына барма.
- Бети бедерден, намыс сакълама.
- «Ёгюз, джаргъа джууукъ барма, меннге джюк боллукъса», - дегенди эшек.
- Адам боллукъ, атламындан белгили болур.
- Уллу сёзде уят джокъ.
- Атынг аманнга чыкъгъандан эсе, джанынг тамагъынгдан чыкъсын.
- Юреннген ауруу къалмаз.
- Ач къалгъандан, кеч къалгъан къолай.
- Тойгъан джерге джети къайт.
- Джангыз терек къынгыр ёсер.
- Билим ат болуб да чабар, къуш болуб да учар.
- Эрине къаргъыш этген къатын, эрнин къабар.
- Ишни аллы бла къууанма да, арты бла къууан.
- Телини эшигин, махтау джабар.
- Окъумагъан сокъурду, сокъур ташха абыныр!
- Асхат ашлыкъ сата, юйдегиси ачдан къата.
- Джаралыны джастыгъында сау ёлюр.
- Къолунгдан къуймакъ ашатсанг да, атаны борчундан къутулмазса.
- Къонагъынгы артмагъын алма да, алгъышын ал.
- Игиге айтсанг – билир, аманнга айтсанг – кюлюр.
- Эте билген, этген этеди, эте билмеген, юретген этеди!
- Чомарт къонакъ юй иесин сыйлар.
- Байны къызы баймакъ болса да, юйде къалмаз!
- Махтаннган къыз, тойда джукълар.
- Иги адам абынса да, джангылмаз.
- Байлыкъдан саулукъ ашхыды.
- Къуллукъчума, деб махтанма, къуллукъ – хаух джамчыды!
- Чабакъ башындан чирийди.
- Тюз сёз баргъан сууну тыяр.
- Рысхысына кёре, джаш ёсер, къышлыгъына кёре, мал ёсер.
- Джарлы джети элни сёзюн этер.
- Ушамагъан – джукъмаз.
- Аман адамны тепсинге олтуртсанг, къызынгы тилер.
- Ана къолу ачытмаз.
- Ашда уялгъан – мухар, ишде уялгъан – хомух.
- Къарнынг ауруса, ауузунгу тый
- Бир онгсуз адам адет чыгъарды, деб эштирик тюлсе.
- Ауузу бла къуш тута айланады.
- Орну джокъну – сыйы джокъ.
- Ач бёрюге мекям джокъ.
- Этни да ашады, бетни да ашады.
- Ишлегенде эринме, ишде чолакъ кёрюнме.
- Дженгил джетерикме деб, узун джолну къоюб, къысхасын барма.
- Джукъу тёшек сайламайды.
- Тюзлюк шохлукъну бегитир.
- Эл тойса, тоймагъан, эл къойса, къоймагъан.
Профиль
|
|
|||