- Онгсузну – джакъла, тенгликни – сакъла.
- Джырчы ёлсе, джыры къалыр.
- Хар зат кесини орнуна иги.
- Бир абыннган – минг сюрюнюр.
- Адебсиз адам – джюгенсиз ат.
- Суугъа – таянма, джаугъа – ийнанма.
- Тау башында, тау болмаз, джангыз терек, бау болмаз.
- Чомарт къолда мал къалмаз.
- Кюн кёрмеген, кюн кёрсе, кюндюз чыракъ джандырыр.
- Ариу джол аджал келтирмез.
- Къар – келтирди, суу – элтди.
- Айырылмаз джууугъунга, унутмаз сёзню айтма.
- Акъыл аздырмаз, билим тоздурмаз.
- Ишни ахырын ойламай, аллын башлама.
- Узун джолну барсанг, бюгюн келирсе, къысха джолну барсанг, тамбла келирсе.
- Чакъырылмай келген къонакъ сыйланмай кетер.
- Тас болгъан бычакъны сабы – алтын.
- Ашхы болсанг, атынг чыгъар, аман болсанг, джанынг чыгъар.
- Ёлюр джаннга, ёкюл джокъ.
- Айтылгъан сёз ызына къайтмаз.
- Тик ёргени, тик энгишгеси да болады.
- Эл элде бирер малынг болгъандан эсе, бирер тенгинг болсун.
- Ауурну тюбю бла, дженгилни башы бла джюрюген.
- Алтыннга тот къонмаз.
- Байлыкъдан саулукъ ашхыды.
- Тели турса – той бузар.
- Тенги кёбню джау алмаз, акъылы кёбню дау алмаз.
- Бастасын ашагъан, хантусун да ичер.
- Къазанны башы ачыкъ болса, итге уят керекди.
- Джыланны къуйругъундан басарынг келсе, аны башы болгъанын унутма.
- Сютню башын джалагъан къутулур, тюбюн ичген тутулур.
- Бети бедерден, намыс сакълама.
- Махтаннган къыз, тойда джукълар.
- Ётюрюкню къуйругъу – бир тутум.
- Ашхы адам – халкъ байлыгъы, ашхы джер – джашау байлыгъы.
- Ойнай билмеген, оюн бузар.
- Тёрдеги кюлсе, эшикдеги ышарыр.
- Джаралыны джастыгъында сау ёлюр.
- Джарлыны тону джаз битер.
- Аджаллыгъа окъсуз шкок атылыр.
- Халкъны юйю – туугъан джери.
- Байлыкъ келсе, акъыл кетер.
- Баш – акъыл ючюн, акъылман – халкъ ючюн.
- Бал – татлы, балдан да бала – татлы.
- Кюл тюбюндеги от кёрюнмейди.
- Кёл – къызбай, къол – батыр.
- Ариу сёз – къылычдан джити.
- Эллинг бла джау болсанг да, юйюнг бла джау болма.
- Ариу – кёзге, акъыл – джюрекге.
- Этни да ашады, бетни да ашады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72