- Этим кетсе да, сюегим къалыр.
- Кёлсюзден сёзсюз тууар.
- Онгсузну – джакъла, тенгликни – сакъла.
- Тойгъан антын унутур.
- Этек чакъмакълары баш джаргъан, сёлешген сёзлери таш джаргъан.
- Бети къызарыучу адамны, джюреги харам болмаз.
- Алгъанда – джууукъ, бергенде – джау.
- Ичимден чыкъды хата, къайры барайым сата?
- «Ма», - дегенни билмесенг, «бер», - дегенни билмезсе.
- Намыс болмагъан джерде, насыб болмаз.
- Чомартны къолун джокълукъ байлар.
- Мадар болса, къадар болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Ким бла джюрюсенг, аны кёзю бла кёрюнюрсе.
- Аш хазыр болса, иш харам болур.
- Тёрдеги кюлсе, эшикдеги ышарыр.
- Адамны бетине къарама, адетине къара.
- Ёксюзню тилеги къабыл болур.
- Ауурну тюбю бла, дженгилни башы бла джюрюген.
- Хазыр ашха – терен къашыкъ.
- Чарсда алчыны эл кёреди.
- Тешигини къатында, чычхан да батыр болур.
- Билими азны – ауузунда кирит.
- Гугук кесини атын айтыб къычыргъанча, мен, мен деб нек тураса?
- Къолу уллу – асыу, аягъы уллу – джарсыу.
- Кёзню ачылгъаны – иги, ауузну джабылгъаны – иги.
- Джашда акъыл джокъ, къартда къарыу джокъ.
- Аманнга алтын чыдамаз.
- Адебни адебсизден юрен.
- Ачылгъан эт джабылыр, кёрген кёз унутмаз.
- От кюйдюрген, сау болса да, тот кюйдюрген, сау болмаз.
- Аджашхан тёгерек айланыр.
- Бозаны арты дауур болур.
- Окъдан джара эртде-кеч болса да бителир, сёз джара, ёмюрге къалыр.
- Кёпюр салгъан кеси ётер, уру къазгъан кеси кетер.
- Айтылгъан сёз ызына къайтмаз.
- Джашынгы кесинг юретмесенг, джашау юретир.
- Тёрде – темир таякълы, къаяда – чыпчыкъ аякълы.
- Аман къатын алгъан, арыр, иги къатын алгъан джарыр.
- Хантына кёре тузу, юйюне кёре къызы.
- Тура эдим джата, къайдан чыкъды хата?
- Тилчиден кери бол.
- Халкъны юйю – туугъан джери.
- Элиб деген, элге болушур.
- Джюрекден джюрекге джол барды.
- Джумушакъ сёз къаты таякъны сындырыр.
- Ашхы – джыяр, аман – джояр.
- Арба аугъандан сора, джол кёргюзтюучю кёб болур.
- Кюлме джашха – келир башха.
- Джюз элде джюз ёгюзюм болгъандан эсе, джюз джууугъум болсун.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72