- Тил – кесген бычакъ, сёз – атылгъан окъ.
- Башы джабылгъан челекге, кир тюшмез.
- Керилген да, ургъан кибикди.
- Оюмсуз атлагъан, аджалсыз ёлюр.
- Намысы болмагъанны, сыйы болмаз.
- Мадар болса, къадар болур.
- Чомарт къолда мал къалмаз.
- Джырына кёре эжиую.
- Эринчекге кюн узун.
- Джырчы ёлсе, джыры къалыр.
- Джюз элде джюз ёгюзюм болгъандан эсе, джюз джууугъум болсун.
- Билимсиз иш бармаз.
- Уллу суу бла уллу ауруудан башынгы сакъла.
- Шапа кёб болса, аш татымсыз болур.
- Сабий болмагъан джерде, мёлек болмаз.
- Байлыкъдан саулукъ ашхыды.
- Уллу айтханны этмеген – уллаймаз.
- Кёбге таш атма.
- Къонакъ аз олтурур, кёб сынар.
- Таугъа чыгъаллыкъ эсенг, тюзде къалма.
- Сёз – кюмюш, джыр – алтын.
- Биреуню тёрюнден, кесинги эшик артынг игиди.
- Джангыз торгъай джырламаз.
- Адебни адебсизден юрен.
- Эшекге миннген – биринчи айыб, андан джыгъылгъан – экинчи айыб.
- Чомартха хар кюн да байрамды.
- Эркишини аманы тиширыуну джылатыр.
- Байлыкъ болгъан джерде, тынчлыкъ джокъду.
- Ата Джуртуму башы болмасам да, босагъасында ташы болайым.
- Аджал соруб келмез, келсе, къайтыб кетмез.
- Джюрек кёзден алгъа кёрюр.
- Джарлыны тону джаз битер.
- Мени джылытмагъан кюн, меннге тиймесин!
- Тойгъандан сора, ашны сёкме.
- Ата – билек, ана – джюрек!
- Кёб къычыргъандан – къоркъма, тынч олтургъандан – къоркъ.
- Ёлмесенг да, къарт дамы болмазса?
- Эли джокъну – кёлю джокъ.
- Джол бла сёзню къыйыры джокъ.
- Сабийликде юретмесенг, уллу болса – тюзелмез.
- Аман адам этегингден тутса, кес да къач.
- Ашхы сёз таш тешер.
- Суу да къайтады чыкъгъан джерине.
- Айран тёгюлсе, джугъусу къалыр.
- Эллинг бла джау болсанг да, юйюнг бла джау болма.
- Ашатыргъа иш – ашхы, ишлетирге аш – ашхы.
- Кёб джашагъан – кёб билир.
- Хата – гитчеден.
- Булут кёкге джарашыу, уят бетге джарашыу.
- Тенгни тенглиги джашай барсанг билинир.
Профиль
|
|
|
|||