- Байны къызы баймакъ болса да, юйде къалмаз!
- Бети бедерден, намыс сакълама.
- Эртде тургъан джылкъычыны эркек аты тай табар.
- Ким бла джюрюсенг, аны кёзю бла кёрюнюрсе.
- Кюл тюбюндеги от кёрюнмейди.
- Суугъа – чабакъ, къаягъа – ыргъакъ.
- Къошда джокъгъа – юлюш джокъ.
- Биреуню къыйынлыгъы бла кесинге джол ишлеме.
- Байдан умут эте, джарлыдан ёгюз багъасы къорады.
- Адамны сабийин сюйген джюреги, бычакъча, джитиди.
- Кимни – тили, тиши онглу, кимни – къолу, иши онглу.
- Къалгъан ишге къар джауар.
- Къаллай салам берсенг, аллай джууаб алырса.
- Ариу сёзде ауруу джокъ.
- Билим ат болуб да чабар, къуш болуб да учар.
- Кесине гебен этелмеген, биреуге черен эте эди.
- Аман эсирсе, юйюн ояр.
- Гугурук къычырмаса да, тангны атары къалмаз.
- Джарашыу сюйген – джалынчакъ.
- Ачны эсинде – аш.
- Биреуге аманлыкъ этиб, кесинге игилик табмазса.
- Башланнган иш битер, къымылдагъан тиш тюшер.
- Кёпюр салгъан кеси ётер, уру къазгъан кеси кетер.
- Аманны тукъумуна къарама, игини тукъумун сорма.
- Ашхы – джыяр, аман – джояр.
- Аман къатын алгъан, арыр, иги къатын алгъан джарыр.
- Ёлюр джаннга, ёкюл джокъ.
- Къарнынг ауруса, ауузунгу тый
- Уллу айтханны этмеген – уллаймаз.
- Къан бла кирген, джан бла чыгъар.
- Къатыны харакетли болса, эри къымсыз болур.
- Минг тенг да азды, бир джау да кёбдю.
- Керек ташны ауурлугъу джокъ.
- Адамны аты башхача, акъылы да башхады.
- Рысхы – насыбха къор.
- Билимсиз иш бармаз.
- Къарт бла баш аша, джаш бла аякъ аша.
- Зарда марда джокъ.
- Айтханы чапыракъдан ётмеген.
- Арбаз къынгырды да, ийнек сауалмайма.
- Тойгъан антын унутур.
- Асхат ашлыкъ сата, юйдегиси ачдан къата.
- Кирсизни – саны таза, халалны – къаны таза.
- Ауурну тюбю бла, дженгилни башы бла джюрюген.
- Тил джюрекге джол ишлейди.
- Джыланны къуйругъундан басарынг келсе, аны башы болгъанын унутма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тау башында, тау болмаз, джангыз терек, бау болмаз.
- Чоюнну башы ачыкъ болса, итге уят керекди.
- Рысхы – сют юсюнде кёмюк кибикди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72