- Сёлеш деб шай берген, тохта деб, сом берген.
- Биреу къой излей, биреу той излей.
- Тели турса – той бузар.
- Джаш болсун, къыз болсун, акъылы, саны тюз болсун.
- Тенгинг джокъ эсе – изле, бар эсе – сакъла!
- Гитче джилтин уллу элни джандырыр.
- Аш кетер да бет къалыр.
- Хаухну атма, ёнгкючню сатма.
- Джарлы тюеге минсе да, ит къабар.
- Къарнынг тойгъунчу аша да, белинг талгъынчы ишле.
- Бир онгсуз адам адет чыгъарды, деб эштирик тюлсе.
- Адеб джокъда, намыс джокъ.
- Джолда аягъынга сакъ бол, ушакъда тилинге сакъ бол.
- Татлы сёз – балдан татлы.
- Эм ашхы къайын ана мамукъ бла башынгы тешер.
- Башсыз урчукъ тюзюне айланмаз.
- Адамны бетине къарама, адетине къара.
- Айныгъанлы алты кюн, тогъайгъанлы тогъуз кюн.
- Ханнга да келеди хариблик.
- Эл элде бирер малынг болгъандан эсе, бирер тенгинг болсун.
- Байлыкъ адамны сокъур этер.
- Киштикге къанат битсе, чыпчыкъ къалмаз эди.
- Игини сыйлагъан адетди.
- Узун джолну барсанг, бюгюн келирсе, къысха джолну барсанг, тамбла келирсе.
- Кюн кёрмеген, кюн кёрсе, кюндюз чыракъ джандырыр.
- Ата Джуртуму башы болмасам да, босагъасында ташы болайым.
- Ишни аллы бла къууанма да, арты бла къууан.
- Байлыкъ келсе, акъыл кетер.
- Джашынгы кесинг юретмесенг, джашау юретир.
- Сабыр джетер муратха, сабырсыз къалыр уятха.
- Чомарт джарлы болмаз.
- Кёб джашагъан – кёб билир.
- Экеулен сёлеше тура эселе, орталарына барыб кирме.
- Джуртун къоругъан озар.
- Ашхы – джыяр, аман – джояр.
- Уруну арты – къуру.
- Мал тутхан – май джалар.
- Джаханимни кёрмей, джандетге кёл салмазса.
- Эрине къаргъыш этген къатын, эрнин къабар.
- Ариу джол аджал келтирмез.
- Бетинги сатма, малынгы сат.
- Къыз келсе, джумуш эте келеди, къатын келсе, ушакъ эте келеди.
- Чакъырылмай келген къонакъ сыйланмай кетер.
- Бети бедерден, намыс сакълама.
- Элни кючю – эмеген.
- Урама да – ёледи, сатама да – келеди.
- Кийим тукъум сордурур.
- Тойгъандан сора, ашны сёкме.
- Айыбны суу бла джууалмазса.
- Мухардан ач ычхынмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72