- Аманны тукъумуна къарама, игини тукъумун сорма.
- Къарны аманнга къазан такъдырма, къолу аманнга от джакъдырма.
- Таш бла ургъанны, аш бла ур.
- Окъугъанны бети джарыкъ.
- Зар адамны насыбы болмаз.
- Мухардан ач ычхынмаз.
- Орундукъ тюбюнде атылсам да, орта джиликме, де да айлан.
- Джеринден айырылгъан – джети джылар, джуртундан айырылгъан – ёлгюнчю джылар.
- Сёз къанатсыз учар.
- Ана къолу ачытмаз.
- Хазыр ашха – терен къашыкъ.
- Таукел адам тау тешер.
- Джерни букъусу кёкге къонмаз.
- Хансыз джомакъ болмаз.
- Миллетни бойну – базыкъ, аны бла кюрешген – джазыкъ.
- Ашыкъгъанны этеги бутуна чырмалыр.
- Ач къалгъандан, кеч къалгъан къолай.
- Аллахха ийнаннган кишини, Аллах онгдурур ишин.
- Элге къуллукъ этмеген, элге ие болмаз.
- Керти сёзге тёре джокъ.
- Ётюрюкню къуйругъу – бир тутум.
- Акъыллы айтыр эди, акъылсыз къоймайды.
- Къралынгы – душмандан, башынгы от бла суудан сакъла.
- Къарнынг ауруса, ауузунгу тый
- Эркишини аманы тиширыуну джылатыр.
- Ёгюзню мюйюзлери ауурлукъ этмейдиле.
- Тил – кесген бычакъ, сёз – атылгъан окъ.
- Окъуусуз билим – джокъ, билимсиз кюнюнг – джокъ.
- Атынг аманнга чыкъгъандан эсе, джанынг тамагъынгдан чыкъсын.
- Айран тёгюлсе, джугъусу къалыр.
- Босагъагъа джууукъ орун болса, ашыгъыб тёрге озма.
- Дуния мал дунияда къалады.
- Сакъалы текени да бар, мыйыгъы киштикни да бар.
- Чакъырылмай келген къонакъ сыйланмай кетер.
- Джетген къыз джерли эшекни танымаз.
- Ашда уялгъан – мухар, ишде уялгъан – хомух.
- Хаухну атма, ёнгкючню сатма.
- Игини сыйлагъан адетди.
- Тил джюрекге джол ишлейди.
- Айтхан сёзюне табылгъан.
- Ач уят къоймаз.
- Билим къая тешер.
- Ашхы сёз таш тешер.
- Ашхы тенг джолгъа салыр, аман тенг джолдан тайдырыр.
- Бир онгсуз адам адет чыгъарды, деб эштирик тюлсе.
- Къобан да къуру да къобханлай турмайды, адам да къуру да патчахлай турмайды.
- Айраннга суу къош, телиге джол бош.
- Биреуню эскиси биреуге джангы болмайды.
- Адам туугъан джеринде, ит тойгъан джеринде.
- Акъылсызны джууукъгъа алма, акъыллыны кенгнге салма.
Профиль
|
|
|||