- Эм ашхы къайын ана мамукъ бла башынгы тешер.
- Нарт сёз къарт болмаз.
- Окъуу – билимни ачхычы, окъуу – дунияны бачхычы.
- Аджашхан тёгерек айланыр.
- Хантына кёре тузу, юйюне кёре къызы.
- Чёбню кёлтюрсенг, тюбюнден сёз чыгъар.
- Тюзлюк шохлукъну бегитир.
- Кёбден умут этиб, аздан къуру къалма.
- Джигер – джаннга къыйынлыкъ.
- Ёгюзню мюйюзлери ауурлукъ этмейдиле.
- Тели турса – той бузар.
- Къазанда болса, чолпугъа чыгъар.
- Эркиши – от, тиширыу – суу.
- Уруну арты – къуру.
- Ишге юренсин къоллары, халкъ бла болсун джоллары.
- Акъыллы айтыр эди, акъылсыз къоймайды.
- Къайгъыны сюйген, къайгъы табар.
- Азыкълы ат арымаз, къатыны аман джарымаз.
- От кюйдюрген, сау болса да, тот кюйдюрген, сау болмаз.
- Тилчиден кери бол.
- Ауурну тюбю бла, дженгилни башы бла джюрюген.
- Харам къарнашдан, халал тенг ашхы.
- Аманны къуугъан, аманлыкъ табар.
- Намысы джокъну – дуниясы джокъ.
- Кесинге джетмегенни, кёб сёлешме.
- Джарлы эскисин джамаса, къууаныр.
- Ата Джуртча джер болмаз, туугъан элча эл болмаз.
- Чомартны къолу берекет.
- Этни бети бла шорпасы.
- Эки итни арасына сюек атма, эки адамны арасында сёз чыгъарма.
- Мал кёб болса, джууукъ кёб болур.
- Джахил болса анасы, не билликди баласы?
- Кёб къычыргъандан – къоркъма, тынч олтургъандан – къоркъ.
- Ариу – кёзге, акъыл – джюрекге.
- Гырджын – тепсини тамадасы.
- Нёгерсизни джолу узун.
- Кенгеш болса, уруш болмаз.
- Къарнынг къанлынга кийирир.
- Эки элинги тыйсанг, джети элде махталырса.
- Телиге от эт десенг, юйюнге от салыр.
- Бек анасы джыламаз.
- Ачлыкъда тары гырджын халыуадан татлы.
- Джангыз терек къынгыр ёсер.
- Акъыл къартда, джашда тюйюлдю – башдады.
- Джангыз торгъай джырламаз.
- Биреуге кёлтюрген таягъынг, кесинги башынга урур.
- Кёрмегеннге кебек – танг, битмегеннге сакъал – танг.
- Сёз сёзню айтдырыр.
- Иги адам абынса да, джангылмаз.
- Зар адам ашынгы ашар, кесинги сатар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72