- Эрни эр этерик да, къара джер этерик да, тиширыуду.
- Джетген къыз джерли эшекни танымаз.
- Кесине оноу эте билмеген, халкъына да эте билмез.
- Джаралыны джастыгъында сау ёлюр.
- Ёлген аслан – сау чычхан.
- Тёрени джагъы джокъ.
- Къонакъ болсанг, ийнакъ бол.
- Суугъа – таянма, джаугъа – ийнанма.
- Джашлыкъ этмеген, башлыкъ этмез.
- Билим – акъылны чырагъы.
- Биреуге аманлыкъ этиб, кесинге игилик табмазса.
- Юйюнг бла джау болгъандан эсе, элинг бла джау бол.
- Къуллукъчума, деб махтанма, къуллукъ – хаух джамчыды!
- Агъач – джерни чырайы, кийим – эрни чырайы.
- Айыбны суу бла джууалмазса.
- Ачлыкъда тары гырджын халыуадан татлы.
- Накъырда – кертини келечиси.
- Биреуню тёрюнден, кесинги эшик артынг игиди.
- Джол бла сёзню къыйыры джокъ.
- Хар адамгъа кеси миннген тау кибик.
- Тил джюрекге джол ишлейди.
- Ётюрюк хапар аякъ тюбю бла джюрюйдю.
- Биреуню эскиси биреуге джангы болмайды.
- Чомарт къолда мал къалмаз.
- Хансыз джомакъ болмаз.
- Аллахдан тилесенг, кёб тиле.
- Окъугъан – асыу, окъумагъан – джарсыу.
- Ашаса, ашамаса да, бёрюню ауузу – къан.
- Кёб джат да, бек чаб.
- Ач отунчуну ачыуу – бурнунда.
- Биреуге аманлыкъны тилеме да, кесинге ашхылыкъны тиле.
- Аман къатын сабий табса, бий болур…
- Джюрекге ариу – кёзге да ариу.
- Ойнай билмеген, оюн бузар.
- Аурууну келиую тынч, кетиую – къыйын.
- Экеулен сёлеше тура эселе, орталарына барыб кирме.
- Ёпкелегенни ашы татлы болады.
- Аджал соруб келмез, келсе, къайтыб кетмез.
- Тура эдим джата, къайдан чыкъды хата?
- Танг атмайма десе да, кюн къоярыкъ тюйюлдю.
- Татлы сёз – балдан татлы.
- Чабакъгъа акъыл, табагъа тюшсе келеди.
- Къууут – джелге, берне – бошха.
- Адебсиз адам – джюгенсиз ат.
- Сакъ юйюне сау барыр.
- Мал тутхан – май джалар.
- Эринчекни эр алмаз, эр алса да, кёл салмаз, кёл салса да, кёб бармаз!
- Къызгъанчдан ычхыныр, мухардан ычхынмаз.
- Ауругъаннга – кийик саулукъ, джетген къызгъа – чилле джаулукъ.
- Ариу сёз джыланны орнундан чыгъарыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72