- Кёб къычыргъандан – къоркъма, тынч олтургъандан – къоркъ.
- Джарашыу сюйген – джалынчакъ.
- Чабакъсыз кёлге къармакъ салгъанлыкъгъа, чабакъ тутмазса.
- Ата Джуртун танымагъан, атасын да танымаз.
- Ачны эсинде – аш.
- Баргъанынга кёре болур келгенинг.
- Ашлыкъны арба юйге келтирир, чана базаргъа элтир.
- Билеги кючлю, бирни джыгъар, билими кючлю, мингни джыгъар.
- Мухарны эси – ашарыкъда.
- Тин – байлыгъынг, терен саулугъунг.
- Кёб джат да, бек чаб.
- Эртде тургъан джылкъычыны эркек аты тай табар.
- Азыгъы аз, алгъа къабар, аты аман, алгъа чабар.
- Къартны бурнун сюрт да, оноугъа тут.
- Кёпюр салгъан кеси ётер, уру къазгъан кеси кетер.
- Башда акъыл болмаса, эки аякъгъа кюч джетер.
- Билмегенинги, билгеннге сор.
- Тюзлюк тас болмайды.
- Атлыны ашхысы, ат тизгининден билинир
- Джылыгъа джылан илешир.
- Ашаса, ашамаса да, бёрюню ауузу – къан.
- Итли къонакъ джарашмаз.
- Юреннген ауруу къалмаз.
- Джетген къыз джерли эшекни танымаз.
- Ачыкъ джюрекге джол – ачыкъ.
- Тёрдеги кюлсе, эшикдеги ышарыр.
- Сескекли кесин билдирир.
- Ханы къызы буюгъа-буюгъа киштик болду.
- Эр сокъур болсун, къатын тилсиз болсун.
- Тёзген – тёш ашар!
- Тулпарлыкъ, билекден тюл – джюрекден.
- Чомарт къолда мал къалмаз.
- Дженгил джетерикме деб, узун джолну къоюб, къысхасын барма.
- Сакъалы текени да бар, мыйыгъы киштикни да бар.
- Къызны минг тилер, бир алыр.
- Аууздан келген, къолдан келсе, ким да патчах болур эди.
- Кирсизни – саны таза, халалны – къаны таза.
- Эки къатын алгъан – эки ташны ортасына башын салгъан.
- Джаш болсун, къыз болсун, акъылы, саны тюз болсун.
- Ойнай билмеген, уруб къачар.
- Керилген да, ургъан кибикди.
- Уясында не кёрсе, учханында аны этер.
- Ичимден чыкъды хата, къайры барайым сата?
- Босагъагъа джууукъ орун болса, ашыгъыб тёрге озма.
- Ариу – кёзге, акъыл – джюрекге.
- Атынг аманнга чыкъгъандан эсе, джанынг тамагъынгдан чыкъсын.
- Тенгни тенглиги джашай барсанг билинир.
- Тёзгеннге, джабылгъан эшик ачылыр.
- Къыз тиширыу кеси юйюнде да къонакъды.
- Аман адам этегингден тутса, кес да къач.
Профиль
|
|
|||