- Окъугъан – асыу, окъумагъан – джарсыу.
- Азыкълы ат арымаз, къатыны аман джарымаз.
- Мал кёб болса, джууукъ кёб болур.
- Аш кетер да бет къалыр.
- Хунаны тюбюн къазсанг, юсюнге ауар.
- Кийиминг бла танылма, адамлыкъ бла таныл.
- Тёгюлген тюгел джыйылмайды.
- Тойну къарнашы – харс, джырны къарнашы – эжиу.
- Тил бла келеди джыр да.
- Элге къуллукъ этмеген, элге ие болмаз.
- Джарашыу сюйген – джалынчакъ.
- Джыйырма къойну юч джыйырма эбзе кюте эди.
- Эшекни не къадар тюйсенг да, ат болмаз.
- Тенгинг джокъ эсе – изле, бар эсе – сакъла!
- Шапа кёб болса, аш татымсыз болур.
- Намыс сатылыб алынмайды.
- Ата – баланы уясы.
- Этни бети бла шорпасы.
- Башсыз урчукъ тюзюне айланмаз.
- Аз сёлешген, къайгъысыз турур.
- Къарт айтханны этмеген, къартаймаз.
- Къонакъ аз олтурур, кёб сынар.
- Джангыз торгъай джырламаз.
- Сабыр джетер муратха, сабырсыз къалыр уятха.
- Джангызны оту джарыкъ джанмаз!
- Гырджын – тепсини тамадасы.
- Абынмазлыкъ аякъ джокъ, джангылмазлыкъ джаякъ джокъ.
- Адам боллукъ, атламындан белгили болур.
- Байлыкъ тауусулур, билим тауусулмаз.
- Ашхы – джыяр, аман – джояр.
- Акъылсызны джууукъгъа алма, акъыллыны кенгнге салма.
- Кийимни бичсенг, кенг бич, тар этген къыйын тюлдю.
- Джангыз терек къынгыр ёсер.
- Билими азны – ауузунда кирит.
- Къозулугъунда тоймагъан, къойлугъунда тоймаз.
- Иги болса, тамадама – махтау, аман болса, меннге – айыб.
- Тил – кесген бычакъ, сёз – атылгъан окъ.
- Эл бла кёргенинг эрелей.
- Адамны джюреги нени кёрюрге сюйсе, кёзю да аны кёрюрге ёч болады.
- Эр сокъур болсун, къатын тилсиз болсун.
- Бек ашыкъгъан меннге джетсин, дегенди аракъы.
- Ишге юренсин къоллары, халкъ бла болсун джоллары.
- Джашынгы кесинг юретмесенг, джашау юретир.
- Ауругъанны сау билмез, ач къарынны токъ билмез.
- Дуния малгъа сатылма, кесингден телиге къатылма.
- Ана кёлю – балада, бала кёлю – талада.
- Адеб базарда сатылмаз.
- Джаным-тиним – окъуу, билим.
- Сютню башын джалагъан къутулур, тюбюн ичген тутулур.
- Сагъыш – къартлыкъгъа сюйюмчю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72