- Тойчу джашха къарама, къойчу джашха къара.
- Ойнай-ойнай кёз чыгъар.
- Джылыгъа джылан илешир.
- Чабакъгъа акъыл, табагъа тюшсе келеди.
- Ана кёлю – балада, бала кёлю – талада.
- Башда акъыл болмаса, эки аякъгъа кюч джетер.
- Кийиминг бла танылма, адамлыкъ бла таныл.
- Кёпюр салгъан кеси ётер, уру къазгъан кеси кетер.
- Тилсиз миллет джокъ болур.
- Уллу айтханны этмеген – уллаймаз.
- Эки элинги тыйсанг, джети элде махталырса.
- Юйюнг бла джау болгъандан эсе, элинг бла джау бол.
- Байдан умут эте, джарлыдан ёгюз багъасы къорады.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомарт бергенин айтмаз.
- Акъыл неден да кючлюдю.
- Нёгерсизни джолу узун.
- Азыкълы ат арымаз, къатыны аман джарымаз.
- Этим кетсе да, сюегим къалыр.
- Ишлегенден, къарагъан уста.
- Адеб этмеген, адеб кёрмез.
- Аманны эки битли тону болур, бирин сеннге кийдирир, бирин кеси киер.
- Эки къатын алгъанны къулагъы тынгнгаймаз.
- Ата – билек, ана – джюрек!
- Аз сёлешген, къайгъысыз турур.
- Чоюнну башы ачыкъ болса, итге уят керекди.
- Уруну арты – къуру.
- Уллу сёзде уят джокъ.
- Гырджын – тепсини тамадасы.
- Урама да – ёледи, сатама да – келеди.
- Билим къая тешер.
- Таукелге нюр джауар.
- Кюл тюбюндеги от кёрюнмейди.
- Алтыда кюлмеген, алтмышда кюлмез.
- Акъыллы башны – тили къысха.
- Къыз келсе, джумуш эте келеди, къатын келсе, ушакъ эте келеди.
- Ышармагъан – кюлмез, кюлмеген – къууанчны билмез.
- Къуру гыбыт бек дыгъырдар.
- Биреуню тёрюнден, кесинги эшик артынг игиди.
- Шайтан алдады, тюзлюк къаргъады.
- Хатерли къул болур.
- Джарлы эскисин джамаса, къууаныр.
- Элни кючю – эмеген.
- Адамны артындан къара сабан сюрме.
- Бал чибинни ургъаны – ачы, балы – татлы.
- Къарнынг къанлынга кийирир.
- Эли джокъну – кёлю джокъ.
- Джаралыны джастыгъында сау ёлюр.
- Джырчы ёлсе, джыры къалыр.
- Къазанчы аман болса, къазаны къайнамаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72