- Ашына кёре табагъы, балына кёре къалагъы.
- Эл бла кёргенинг эрелей.
- Бети – къучакълар, джюреги – бычакълар.
- Адам сёзюнден белгили.
- Кенгеш болса, уруш болмаз.
- Тойгъа алгъа да барма, тойда артха да къалма.
- Ёлюк кебинсиз къалмаз.
- Эркишиге тары кебек танг кёрюнюр.
- Агъач – джерни чырайы, кийим – эрни чырайы.
- Тёрени джагъы джокъ.
- Тилде сюек болмаса да, сюек сындырыр.
- Эки къатын алгъан – эки ташны ортасына башын салгъан.
- Чабакъ башындан чирийди.
- Намысы болмагъанны, сыйы болмаз.
- Элни кючю – эмеген.
- Тамчы таш тешер.
- Джарлы джети элни сёзюн этер.
- Шайтан алдады, тюзлюк къаргъады.
- Гыдай эчки суугъа къараб, мюйюзле кёрмесе, джашма алкъын, дегенди.
- Тойгъан джерге джети къайт.
- Бойнуму джети джерден кессенг да, мен ол ишни этеллик тюлме.
- Сабий кёргенин унутмаз.
- Кёзюнде тереги болгъан, чёбю болгъаннга кюле эди.
- Уллу къазанда бишген эт, чий къалмаз.
- Къарт болгъан джерде, берекет болур, сабий болгъан джерде, оюн болур.
- Аз сёлеш, кёб ишле.
- Ётюрюкню къуйругъу – бир тутум.
- Ёзденликни джайгъан – джокълукъ.
- Таш ата билмеген, башына урур.
- Тенгни тенглиги джашай барсанг билинир.
- Кюлме джашха – келир башха.
- Элиб деген, элге болушур.
- Мен да «сен», дейме, сен да «кесим», дейсе.
- Бир онгсуз адам адет чыгъарды, деб эштирик тюлсе.
- Къумурсхала джыйылсала, пилни да джыгъадыла.
- Иги сеники эсе да, сюйген кесимикин этеме.
- Кечеси – аяз, кюню – къыш, джарлы къаргъагъа бир аш тюш!
- Къыз тиширыу кеси юйюнде да къонакъды.
- Ханнга да келеди хариблик.
- Адам сёзге тынгыла, акъыл сёзню ангыла.
- Телиге акъыл салгъандан эсе, ёлгеннге джан салырса.
- Аман къатын алгъан, арыр, иги къатын алгъан джарыр.
- Ачыкъ джюрекге джол – ачыкъ.
- Рысхы джалгъанды: келген да этер, кетген да этер.
- Ариу сёзде ауруу джокъ.
- Ашда – бёрю, ишде – ёлю.
- Суу ичген шауданынга тюкюрме.
- Ишин билген, аны сыйын чыгъарады.
- Билеги кючлю, бирни джыгъар, билими кючлю, мингни джыгъар.
- Сангырау къулакъ эл бузар.
Профиль
|
|
|||