- Акъдан къара болмаз.
- Ёнгкюч къууана барыр, джылай келир.
- Хар сёзню орну барды.
- Мал кёб болса, джууукъ кёб болур.
- Ойнаб айтсанг да, эслеб айт.
- Бал – татлы, балдан да бала – татлы.
- Ач келгенни – тойдур, кеч келгенни – къондур.
- Орундукъ тюбюнде атылсам да, орта джиликме, де да айлан.
- Ёзденликни джайгъан – джокълукъ.
- Абынмазлыкъ аякъ джокъ, джангылмазлыкъ джаякъ джокъ.
- Дуния малгъа сатылма, кесингден телиге къатылма.
- Эшекни не къадар тюйсенг да, ат болмаз.
- Ашхы адам – халкъ байлыгъы, ашхы джер – джашау байлыгъы.
- Арыгъан къош чамчы болур.
- Чомарт къонакъ юй иесин сыйлар.
- Чакъырылмагъан къонакъ къачан кетерин сормаз.
- Тас болгъан бычакъны сабы – алтын.
- Халкъны юйю – туугъан джери.
- Къарнынг ауруса, ауузунгу тый
- Иги джашны ышаны – аз сёлешиб, кёб тынгылар.
- Насыб бютеу халкъны юлюшюдю.
- Эки къатын алгъанны къулагъы тынгнгаймаз.
- Джарлыны тону джаз битер.
- Намыс сатылыб алынмайды.
- Иги адам абынса да, джангылмаз.
- Тенгни тенглиги джашай барсанг билинир.
- Иги сеники эсе да, сюйген кесимикин этеме.
- Бал чибинни ургъаны – ачы, балы – татлы.
- Шекер бла туз – бир болмаз, ушамагъан – юй болмаз.
- Тойну къарнашы – харс, джырны къарнашы – эжиу.
- Сёз сёзню айтдырыр.
- Къыйынлы джети элге оноу этер.
- Керек ташны ауурлугъу джокъ.
- Къоркъакъны кёзю экили кёрюр.
- Эр абынмай, эл танымаз.
- Суу кетер, таш къалыр.
- Атадан ёксюз – бир ёксюз, анадан ёксюз – эки ёксюз.
- Ётюрюкню башын керти кесер.
- Джыланны къуйругъундан басарынг келсе, аны башы болгъанын унутма.
- Ана къойну – балагъа джандет.
- Ашхы болсанг, атынг чыгъар, аман болсанг, джанынг чыгъар.
- Байлыкъ келсе, акъыл кетер.
- Ётген ёмюр – акъгъан суу.
- Мухардан ач ычхынмаз.
- Кёзден кетген, кёлден да кетеди.
- Ач отунчуну ачыуу – бурнунда.
- Къыз тиширыу кеси юйюнде да къонакъды.
- Чёбню кёлтюрсенг, тюбюнден сёз чыгъар.
- Ач, тоймам, дейди, тойгъан, ач болмам, дейди.
- Аллахха ийнаннган кишини, Аллах онгдурур ишин.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72