- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Айраннга суу къош, телиге джол бош.
- Ётюрюкню къуйругъу – бир тутум.
- Мал тутхан – май джалар.
- Адамны артындан къара сабан сюрме.
- Аш кетер да бет къалыр.
- Ауузу бла къуш тута айланады.
- Ёгюзню мюйюзлери ауурлукъ этмейдиле.
- Джаралыны джастыгъында сау ёлюр.
- Къарны аманнга къазан такъдырма, къолу аманнга от джакъдырма.
- Джерни букъусу кёкге къонмаз.
- Къарнынг ауруса, ауузунгу тый
- Агъач халкъгъа алтынды, иссиликге салкъынды.
- Окъугъанны бети джарыкъ.
- Бети – къучакълар, джюреги – бычакълар.
- Аллахха ийнаннган кишини, Аллах онгдурур ишин.
- Шапа кёб болса, аш татымсыз болур.
- Баланы адам этген анады.
- Джыйырма къойну юч джыйырма эбзе кюте эди.
- Бал – татлы, балдан да бала – татлы.
- Чакъырылмагъан джерге барма, чакъырылгъан джерден къалма.
- Арба аугъандан сора, джол кёргюзтюучю кёб болур.
- Башы ишлегенни, ауузу да ишлер.
- Тёзгеннге, джабылгъан эшик ачылыр.
- Ышармагъан – кюлмез, кюлмеген – къууанчны билмез.
- Тойгъан джерге джети къайт.
- Ат да турмайды бир териде.
- Къыз келсе, джумуш эте келеди, къатын келсе, ушакъ эте келеди.
- Тёрдеги кюлсе, эшикдеги ышарыр.
- Накъырданы арты керти болур.
- Джашны джигитлиги сорулур, къызны джигерлиги сорулур.
- Къарнынг бла ёч алма.
- Адамны джюреги нени кёрюрге сюйсе, кёзю да аны кёрюрге ёч болады.
- Къоркъакъны кёзю экили кёрюр.
- Ариуну – ауруу кёб.
- Эрине къаргъыш этген къатын, эрнин къабар.
- Кёл ашады да, кеси ашады.
- Тюз сёз баргъан сууну тыяр.
- Хата – гитчеден.
- Келинин тута билмеген, къул этер, къызын тута билмеген, тул этер.
- Таукел къуру къалмаз.
- Тилсиз миллет джокъ болур.
- Сабий болмагъан джерде, мёлек болмаз.
- Къобан да къуру да къобханлай турмайды, адам да къуру да патчахлай турмайды.
- Ичимден чыкъды хата, къайры барайым сата?
- Этни да ашады, бетни да ашады.
- Ауругъанны сау билмез, ач къарынны токъ билмез.
- Джыгъылгъанны сырты джерден тоймаз.
- Хоншуну тауугъу къаз кёрюнюр, келини къыз кёрюнюр.
- Душманны тышы – акъ, ичи – къара.
Профиль
|
|
|||