- Айран тёгюлсе, джугъусу къалыр.
- Этек чакъмакълары баш джаргъан, сёлешген сёзлери таш джаргъан.
- Ёлген аслан – сау чычхан.
- Ариу – кёзге, акъыл – джюрекге.
- Ачлыкъ отха секиртир.
- Тюзню ётмеги тюзде къалса да, тас болмаз.
- Ач уят къоймаз.
- Джашда акъыл джокъ, къартда къарыу джокъ.
- Окъугъанны бети джарыкъ.
- Акъыллы эркиши атын махтар, акъылсыз эркиши къатынын махтар.
- Джети тилни билген джети кишиди.
- Иги сёз – джаннга азыкъ, аман сёз башха – къазыкъ.
- Байны оноуу, джарлыгъа джарамаз.
- Аллахха ийнаннган кишини, Аллах онгдурур ишин.
- Ач отунчуну ачыуу – бурнунда.
- Ачыу алгъа келсе, акъыл артха къалады.
- Биреуге аманлыкъны тилеме да, кесинге ашхылыкъны тиле.
- Ётюрюкню башын керти кесер.
- Нарт сёз къарт болмаз.
- Иги – алгъыш этер, аман – къаргъыш этер.
- Халкъны джырын джырласанг, халкъ санга эжиу этер.
- Джаш къарыу бла кючлю, къарт акъыл бла кючлю.
- Джаным-тиним – окъуу, билим.
- Чарсда алчыны эл кёреди.
- Окъуу – билимни ачхычы, окъуу – дунияны бачхычы.
- Ишни ахырын ойламай, аллын башлама.
- Ашатыргъа иш – ашхы, ишлетирге аш – ашхы.
- Суу кетер, таш къалыр.
- Керти сёзге тёре джокъ.
- Сёз – кюмюш, джыр – алтын.
- Махтаннган къыз, тойда джукълар.
- Джангыз терек къынгыр ёсер.
- Чомартха Тейри да борчлуду.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Джукъу тёшек сайламайды.
- Эл ауузу – элек, анга ийнаннган – халек.
- Тюз сёз баргъан сууну тыяр.
- Тенгинг джокъ эсе – изле, бар эсе – сакъла!
- Эрине къаргъыш этген къатын, эрнин къабар.
- Нарт сёз – тилни бети.
- Суугъа – таянма, джаугъа – ийнанма.
- Шекер бла туз – бир болмаз, ушамагъан – юй болмаз.
- Джаш болсун, къыз болсун, акъылы, саны тюз болсун.
- Аурууну келиую тынч, кетиую – къыйын.
- Алгъанда – джууукъ, бергенде – джау.
- Эринчекни эр алмаз, эр алса да, кёл салмаз, кёл салса да, кёб бармаз!
- Атадан ёксюз – бир ёксюз, анадан ёксюз – эки ёксюз.
- Гырджын – тепсини тамадасы.
- Чомартха хар кюн да байрамды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72