- Кесинге джетмегенни, кёб сёлешме.
- Ёмюрлюк шохлукъну джел элтмез.
- Ат да турмайды бир териде.
- Борчунг бар эсе, хурджунунга ойлаб узал.
- Чакъырылмагъан къонакъ тёрге атламаз.
- Аман къатын алгъан, арыр, иги къатын алгъан джарыр.
- Башланнган иш битер, къымылдагъан тиш тюшер.
- Эри аманны, къатыны – аман.
- Джерни букъусу кёкге къонмаз.
- Къазанчы аман болса, къазаны къайнамаз.
- Бёрю да ач къалмасын, эчки да ашалмасын.
- Атлыны ашхысы, ат тизгининден билинир
- Бир абыннган – минг сюрюнюр.
- Тилчи бир сагъатха айлыкъ хата этер.
- Айтылгъан буйрукъ, сёгюлмез
- Кёл – къызбай, къол – батыр.
- Тыш элде солтан болгъандан эсе, кесинги элде олтан болгъан игиди!
- Ётген ёмюр – акъгъан суу.
- Ашхы адам – халкъ байлыгъы, ашхы джер – джашау байлыгъы.
- Ач къарным, тынч къулагъым.
- Азыкълы ат арымаз, къатыны аман джарымаз.
- Тюзню ётмеги тюзде къалса да, тас болмаз.
- Ариу сёзде ауруу джокъ.
- Биреуню эскиси биреуге джангы болмайды.
- Джарлы тюеге минсе да, ит къабар.
- Эр абынмай, эл танымаз.
- Тил – кесген бычакъ, сёз – атылгъан окъ.
- Айырылмаз джууугъунга, унутмаз сёзню айтма.
- Ата Джуртуму башы болмасам да, босагъасында ташы болайым.
- Байдан умут эте, джарлыдан ёгюз багъасы къорады.
- Кеси юйюмде мен да ханма.
- Аз сёлеш, кёб ишле.
- Ёлмесенг да, къарт дамы болмазса?
- Айтханы чапыракъдан ётмеген.
- Окъуусуз билим – джокъ, билимсиз кюнюнг – джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чёбню кёлтюрсенг, тюбюнден сёз чыгъар.
- Ачлыкъда тары гырджын халыуадан татлы.
- Бичгенде ашыкъма, тикгенде ашыкъ.
- Къоркъакъны кёзю экили кёрюр.
- Джетген къыз джерли эшекни танымаз.
- Кийиминг бла танылма, адамлыкъ бла таныл.
- Телиге акъыл салгъандан эсе, ёлгеннге джан салырса.
- Ёгюзню мюйюзюнден тутадыла, адамны сёзюнден тутадыла.
- Къонакъ кёб келюучю юйню, къазаны отдан тюшмез.
- Эли джокъну – кёлю джокъ.
- Къызны минг тилер, бир алыр.
- Къызбайны юйюне дери сюрсенг, батыр болур.
- Итли къонакъ джарашмаз.
- Башы ишлегенни, ауузу да ишлер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72