- Ашхы адам – халкъ байлыгъы, ашхы джер – джашау байлыгъы.
- Ач келгенни – тойдур, кеч келгенни – къондур.
- Чомартха хар кюн да байрамды.
- Ёзденликни кёбю ётюрюк.
- Ишлерге уял да, ашаргъа табма.
- Хоншуну тауугъу къаз кёрюнюр, келини къыз кёрюнюр.
- Джюрекге ариу – кёзге да ариу.
- Ашхы сёз таш тешер.
- Таукел тауну аудурур.
- Таугъа чыгъаллыкъ эсенг, тюзде къалма.
- Джахил болса анасы, не билликди баласы?
- Окъуу – билимни ачхычы, окъуу – дунияны бачхычы.
- Тили узунну, намысы – къысха.
- Кечеси – аяз, кюню – къыш, джарлы къаргъагъа бир аш тюш!
- Сёз сёзню айтдырыр.
- Суу ичген шауданынга тюкюрме.
- Садакъачыны джаны – къапчыгъында.
- Нёгер болсанг, тенг бол, тенг болмасанг, кенг бол.
- Ата джурт – алтын бешик.
- Адамгъа аман кюн соруб келмейди.
- Сакъалы текени да бар, мыйыгъы киштикни да бар.
- Ишлемеген – тишлемез.
- Тюз сёз баргъан сууну тыяр.
- Хар сёзню орну барды.
- Ашатыргъа иш – ашхы, ишлетирге аш – ашхы.
- Аууз сакълагъан – джан сакълар.
- Айраннга суу къош, телиге джол бош.
- Артына баргъанны, къатына барма.
- Бичгенде ашыкъма, тикгенде ашыкъ.
- Билими азны – ауузунда кирит.
- Арыгъан къош чамчы болур.
- Джыгъылгъанны сырты джерден тоймаз.
- Тойну къарнашы – харс, джырны къарнашы – эжиу.
- Кюн кёрмеген, кюн кёрсе, кюндюз чыракъ джандырыр.
- Къыз чыгъаргъан – къызыл къымжа.
- Айтхан сёзюне табылгъан.
- Тик ёргени, тик энгишгеси да болады.
- Таукел къуру къалмаз.
- Байны къызы баймакъ болса да, юйде къалмаз!
- Тёгюлген тюгел джыйылмайды.
- Джашынгы кесинг юретмесенг, джашау юретир.
- Къарнынг ауруса, ауузунгу тый
- Аманны къуугъан, аманлыкъ табар.
- Джангыз торгъай джырламаз.
- Бермеген къол, алмайды.
- Тёзгеннге, джабылгъан эшик ачылыр.
- Билеги кючлю, бирни джыгъар, билими кючлю, мингни джыгъар.
- Ашхылыкъ джерде джатмайды, аманлыкъ суугъа батмайды.
- Кёзню ачылгъаны – иги, ауузну джабылгъаны – иги.
- Татлы сёз – балдан татлы.
Профиль
|
Сарыка
 Эльбрусоид
Cообщений: 101
Баллов: 80
Регистрация: 17.03.2014
Последний визит: 05.12.2015 23:08:04
|
|
||||||
|
|
|
||||||