- Тойгъа алгъа да барма, тойда артха да къалма.
- Кийиминг бла танылма, адамлыкъ бла таныл.
- Атынг аманнга чыкъгъандан эсе, джанынг тамагъынгдан чыкъсын.
- Бир онгсуз адам адет чыгъарды, деб эштирик тюлсе.
- Окъугъан озар, окъумагъан тозар.
- Мал ёлсе, сюек къалыр, адам ёлсе, иши къалыр.
- Ач къалгъандан, кеч къалгъан къолай.
- Чомарт къонакъ юй иесин сыйлар.
- Келинин тута билмеген, къул этер, къызын тута билмеген, тул этер.
- Къонакъ аз олтурур, кёб сынар.
- Уллу къазанда бишген эт, чий къалмаз.
- Ашхы тенг джолгъа салыр, аман тенг джолдан тайдырыр.
- Шайтан алдады, тюзлюк къаргъады.
- Тура эдим джата, къайдан чыкъды хата?
- Сёз садакъдан кючлюдю.
- Ишлемеген – тишлемез.
- Бал – татлы, балдан да бала – татлы.
- Акъыл бла адеб эгизледиле.
- Байлыкъ келсе, акъыл кетер.
- Эрни эр этерик да, къара джер этерик да, тиширыуду.
- Биреуге аманлыкъ этиб, кесинге игилик табмазса.
- Сёлеш деб шай берген, тохта деб, сом берген.
- Тил бла келеди джыр да.
- Кёб къычыргъандан – къоркъма, тынч олтургъандан – къоркъ.
- Ашлыкъны арба юйге келтирир, чана базаргъа элтир.
- Ариуну – ауруу кёб.
- Баргъанынга кёре болур келгенинг.
- Татлы тилде – сёз ариу, чемер къолда – иш ариу.
- Тюкюрюк баш джармаз, налат кёз чыгъармаз!
- Рысхысына кёре, джаш ёсер, къышлыгъына кёре, мал ёсер.
- Билимсиз иш бармаз.
- Къайтырыкъ эшигинги, къаты уруб чыкъма.
- Акъылсызны джууукъгъа алма, акъыллыны кенгнге салма.
- Къулакъдан эсе, кёзге ышан.
- Чомарт бергенин айтмаз.
- Билмезни кёзю кёрмез, этмезни къулагъы эшитмез.
- Адам къыйынлыгъын кёлтюрюр, зауукълугъун кёлтюрмез.
- Хар зат кесини орнуна иги.
- Чёбню кёлтюрсенг, тюбюнден сёз чыгъар.
- Ушамагъан – джукъмаз.
- Алтыннга тот къонмаз.
- Атлыны ашхысы, ат тизгининден билинир
- Термилгенинги табмазса, кюлгенинге тюберсе.
- Битмегеннге сакъал – танг.
- Билим насыб берир, билим джолну керир.
- Тай асырагъан, атха минер.
- Сабий кёргенин унутмаз.
- Ётюрюкчюню шагъаты – къатында.
- Джаз бир кюнню джатсанг, къыш талай кюнню абынырса.
- Чомартха Тейри да борчлуду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72