- Тас болгъан бычакъны сабы – алтын.
- Ауругъан – джашаудан умутчу.
- Мен да «сен», дейме, сен да «кесим», дейсе.
- Таш бла ургъанны, аш бла ур.
- Баргъанынга кёре болур келгенинг.
- Илму – джашауну джолу.
- Къууут – джелге, берне – бошха.
- Аууздан келген, къолдан келсе, ким да патчах болур эди.
- Къартха ушагъан джаш – акъыллы, джашха ушагъан къарт – тели.
- Хоншуну тауугъу къаз кёрюнюр, келини къыз кёрюнюр.
- Айраннга суу къош, телиге джол бош.
- Юйлю уругъа ит чабмаз.
- Булут кёкге джарашыу, уят бетге джарашыу.
- Кеси юйюмде мен да ханма.
- Къарнынг тойгъунчу аша да, белинг талгъынчы ишле.
- Къонакъны къачан кетерин сорма, къачан келлигин сор.
- Ата джурт – алтын бешик.
- Сормай – алма, чакъырылмай – барма.
- Джашда акъыл джокъ, къартда къарыу джокъ.
- Акъылсызны джууукъгъа алма, акъыллыны кенгнге салма.
- Ашхы адам – халкъ байлыгъы, ашхы джер – джашау байлыгъы.
- Чабакъсыз кёлге къармакъ салгъанлыкъгъа, чабакъ тутмазса.
- Зар адам ашынгы ашар, кесинги сатар.
- Къарыусузгъа кюлме, онгсузгъа тийме.
- Ариу сёз – джаннга азыкъ, аман сёз – башха къазыкъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аджашхан тёгерек айланыр.
- Ата – баланы уясы.
- Хата – гитчеден.
- Джангыз терек къынгыр ёсер.
- Ата Джуртун танымагъан, атасын да танымаз.
- Ётюрюк хапар аякъ тюбю бла джюрюйдю.
- Эркишини аманы тиширыуну джылатыр.
- Иги – алгъыш этер, аман – къаргъыш этер.
- Ашын ашагъанынгы, башын да сыйла.
- Рысхысына кёре, джаш ёсер, къышлыгъына кёре, мал ёсер.
- Керек ташны ауурлугъу джокъ.
- Тёгюлген тюгел джыйылмайды.
- Кёзден кетген, кёлден да кетеди.
- Чарсда алчыны эл кёреди.
- Джигер – джаннга къыйынлыкъ.
- Адам къаллай бир ишленмесе, аллай бир кесин уллу кёреди.
- Тамбла алтындан бюгюн багъыр ашхы.
- Нёгерсизни джолу узун.
- Кёб джат да, бек чаб.
- Тай асырагъан, атха минер.
- Чыкълы кюнде чыкъмагъан, чыкъса къуру кирмеген.
- Босагъагъа джууукъ орун болса, ашыгъыб тёрге озма.
- Къыйынлы джети элге оноу этер.
- Гугук кесини атын айтыб къычыргъанча, мен, мен деб нек тураса?
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72