- Уллу къашыкъ эрин джыртар.
- Эркишиге тары кебек танг кёрюнюр.
- Джиби бир къат джетмей эди да, эки къат тарта эди.
- Аман эсирсе, юйюн ояр.
- Джетген къыз джерли эшекни танымаз.
- Аман адам элни бир-бирине джау этер.
- Хар ишни да аллы къыйынды.
- Суугъа – чабакъ, къаягъа – ыргъакъ.
- Сагъышы джокъ – джукъучу, акъылы джокъ – къаугъачы.
- Ач къарынны, токъ билмез
- Тау башында, тау болмаз, джангыз терек, бау болмаз.
- Ким бла джюрюсенг, аны кёзю бла кёрюнюрсе.
- Хар зат кесини орнуна иги.
- Шайтан алдады, тюзлюк къаргъады.
- Тулпарлыкъ, билекден тюл – джюрекден.
- Бёрю да ач къалмасын, эчки да ашалмасын.
- Ётюрюкню къуйругъу – бир тутум.
- Ишленмеген джаш – джюгенсиз ат, ишленмеген къыз – тузсуз хант.
- Джолунга кёре – джюрюшюнг, джагъанга кёре – юлюшюнг.
- Къайтырыкъ эшигинги, къаты уруб чыкъма.
- Ач бёрюге мекям джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- Бети бедерден, намыс сакълама.
- Къуллукъчума, деб махтанма, къуллукъ – хаух джамчыды!
- Сабий кёргенин унутмаз.
- Сютню башын джалагъан къутулур, тюбюн ичген тутулур.
- Адамны артындан къара сабан сюрме.
- Къарнынг тойгъунчу аша да, белинг талгъынчы ишле.
- Адеб джокъда, намыс джокъ.
- Джашлыкъ этмеген, башлыкъ этмез.
- Бозанг болмагъан джерге, къалагъынгы сукъма.
- Баланы адам этген анады.
- Ашыкъгъан cуу, тенгизге джетмез.
- Къая джолда джортма, ачыкъ сёзден къоркъма.
- Чакъырылмагъан къонакъ тёрге атламаз.
- Ашхы сёз таш тешер.
- Келинин тута билмеген, къул этер, къызын тута билмеген, тул этер.
- Тойгъа алгъа да барма, тойда артха да къалма.
- Тамчы таш тешер.
- Кийим тукъум сордурур.
- Нёгер болсанг, тенг бол, тенг болмасанг, кенг бол.
- Ариу сёзде ауруу джокъ.
- Къатыны харакетли болса, эри къымсыз болур.
- Адам къаллай бир ишленмесе, аллай бир кесин уллу кёреди.
- Тойгъан джерден туугъан джер игиди.
- Къобан да къуру да къобханлай турмайды, адам да къуру да патчахлай турмайды.
- Кесинге джетмегенни, кёб сёлешме.
- Билим – акъылны чырагъы.
- Къазанда болса, чолпугъа чыгъар.
- Таш ата билмеген, башына урур.
Профиль
|
|
|||