- Эртде тургъан джылкъычыны эркек аты тай табар.
- Аз сёлешген, къайгъысыз турур.
- Тил бла келеди джыр да.
- Дженгил джетерикме деб, узун джолну къоюб, къысхасын барма.
- Кёб джат да, бек чаб.
- Сормай – алма, чакъырылмай – барма.
- Кёзюнде тереги болгъан, чёбю болгъаннга кюле эди.
- Кечеси – аяз, кюню – къыш, джарлы къаргъагъа бир аш тюш!
- Бозанг болмагъан джерге, къалагъынгы сукъма.
- Билмезни кёзю кёрмез, этмезни къулагъы эшитмез.
- Уясында не кёрсе, учханында аны этер.
- Джырчы ёлсе, джыры къалыр.
- Оюмсуз атлагъан, аджалсыз ёлюр.
- Хар зат кесини орнуна иги.
- Къарнынг бла ёч алма.
- Намысы болмагъанны, сыйы болмаз.
- Ашда – бёрю, ишде – ёлю.
- Къобан да къуру да къобханлай турмайды, адам да къуру да патчахлай турмайды.
- Уллу суу бла уллу ауруудан башынгы сакъла.
- Ата – билек, ана – джюрек!
- Ач къарным, тынч къулагъым.
- Кёб ант этген, кёб ётюрюк айтыр.
- Тюзню ётмеги тюзде къалса да, тас болмаз.
- Ана къолу ачытмаз.
- Ойнай-ойнай кёз чыгъар.
- Айырылгъанланы айю ашар, бёлюннгенлени бёрю ашар.
- Тилсиз миллет джокъ болур.
- Уллу айтханны этмеген – уллаймаз.
- Ашхы болсанг, атынг чыгъар, аман болсанг, джанынг чыгъар.
- Сютню башын джалагъан къутулур, тюбюн ичген тутулур.
- Акъыл бла адеб эгизледиле.
- Чабакъгъа акъыл, табагъа тюшсе келеди.
- Бек анасы джыламаз.
- Бермеген къол, алмайды.
- Аууздан келген, къолдан келсе, ким да патчах болур эди.
- Алтыда кюлмеген, алтмышда кюлмез.
- Таукел адам тау тешер.
- Тамбла алтындан бюгюн багъыр ашхы.
- Джашынгы кесинг юретмесенг, джашау юретир.
- Агъач халкъгъа алтынды, иссиликге салкъынды.
- Аман хансны – урлугъу кёб.
- Эр сокъур болсун, къатын тилсиз болсун.
- Ишлемеген – тишлемез.
- Сабий кёргенин унутмаз.
- Хаухну атма, ёнгкючню сатма.
- Джюрекге ариу – кёзге да ариу.
- Биреуге аманлыкъ этиб, кесинге игилик табмазса.
- Aдам боллукъ, сыфатындан белгили.
- Ёлюр джаннга, ёкюл джокъ.
- Ёлген эшек бёрюден къоркъмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72