- Бал ашаргъа сюе эсенг, чибин ургъаннга тёз.
- Суугъа – таянма, джаугъа – ийнанма.
- Бал – татлы, балдан да бала – татлы.
- Мураты болгъанны джюрек тебюую башхады.
- Айтылгъан буйрукъ, сёгюлмез
- Кёлю джокъну – джолу джокъ.
- Татлы тилде – сёз ариу, чемер къолда – иш ариу.
- Этни бети бла шорпасы.
- Хоншуну тауугъу къаз кёрюнюр, келини къыз кёрюнюр.
- Ёлген ийнек сютлю болур.
- Акъыллы башны – тили къысха.
- Келинин тута билмеген, къул этер, къызын тута билмеген, тул этер.
- Намыс болмагъан джерде, насыб болмаз.
- Кёкдеги болмаса, джердегин кёрмейди.
- Ат да турмайды бир териде.
- Ашына кёре табагъы, балына кёре къалагъы.
- Тили узунну, намысы – къысха.
- Джаным-тиним – окъуу, билим.
- Къаллай салам берсенг, аллай джууаб алырса.
- Экиндини кеч къылсанг, чабыб джетер ашхам.
- Иги болса, тамадама – махтау, аман болса, меннге – айыб.
- Тойну къарнашы – харс, джырны къарнашы – эжиу.
- Юреннген ауруу къалмаз.
- Адеби болмагъан къыз – тузсуз хант.
- Мал кёб болса, джууукъ кёб болур.
- Аз сёлешген, къайгъысыз турур.
- Зар адам ашынгы ашар, кесинги сатар.
- Суу кетер, таш къалыр.
- Байлыкъ тауусулур, билим тауусулмаз.
- Гугурук къычырмаса да, тангны атары къалмаз.
- Дуния мал дунияда къалады.
- Ауругъанны сау билмез, ач къарынны токъ билмез.
- Джогъун бар этген, барын бал этген.
- Тенгинг джокъ эсе – изле, бар эсе – сакъла!
- Алгъанда – джууукъ, бергенде – джау.
- Джуртун къоругъан озар.
- Джюрекге ариу – кёзге да ариу.
- Адам боллукъ, атламындан белгили болур.
- Ачыкъ джюрекге джол – ачыкъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Башланнган иш битер, къымылдагъан тиш тюшер.
- Къошда джокъгъа – юлюш джокъ.
- Тойгъан джерден туугъан джер игиди.
- Ёлмесенг да, къарт дамы болмазса?
- Биреуню эскиси биреуге джангы болмайды.
- Ашхы атаны – джашы ашхы, ашхы ананы – къызы ашхы.
- Уллу атлама – абынырса, уллу къабма – къарылырса.
- Адамгъа аман кюн соруб келмейди.
- Ачлыкъда тары гырджын халыуадан татлы.
- Къонагъы джокъну – шоху джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72