- Къонакъ аман болса, къонакъбай джунчур
- Таукел тауну аудурур.
- Къайтырыкъ эшигинги, къаты уруб чыкъма.
- Башланнган иш битер, къымылдагъан тиш тюшер.
- Башынга джетмегенни сорма.
- Уллу къашыкъ эрин джыртар.
- Билмезни кёзю кёрмез, этмезни къулагъы эшитмез.
- Тёрдеги кюлсе, эшикдеги ышарыр.
- Абынмазлыкъ аякъ джокъ, джангылмазлыкъ джаякъ джокъ.
- Арыгъан къош чамчы болур.
- Уллу къазанда бишген эт, чий къалмаз.
- Ата Джуртча джер болмаз, туугъан элча эл болмаз.
- Ач къарным, тынч къулагъым.
- Ишин билген, аны сыйын чыгъарады.
- Уллу атлама – абынырса, уллу къабма – къарылырса.
- Джыйырма къойну юч джыйырма эбзе кюте эди.
- Аманнга да, игиге да оноусуз къатышма.
- Адамны аманы адамны бети бла ойнар.
- Суугъа – чабакъ, къаягъа – ыргъакъ.
- Ашхы болсанг, атынг чыгъар, аман болсанг, джанынг чыгъар.
- Мухардан ач ычхынмаз.
- Кёрмегеннге кебек – танг, битмегеннге сакъал – танг.
- Джыланны къуйругъундан басарынг келсе, аны башы болгъанын унутма.
- Тилчи тилден къаныкъмаз.
- Агъач халкъгъа алтынды, иссиликге салкъынды.
- Иши джокъну, сыйы джокъ.
- Элде адам къалмаса, ит тахтагъа минер.
- Тёрени джагъы джокъ.
- Зар адамны насыбы болмаз.
- Иги болса, тамадама – махтау, аман болса, меннге – айыб.
- Джюрек кёзден алгъа кёрюр.
- Намысы болмагъанны, сыйы болмаз.
- Тамчы таш тешер.
- Ата Джуртуму башы болмасам да, босагъасында ташы болайым.
- Эшекни не къадар тюйсенг да, ат болмаз.
- Бёрю да ач къалмасын, эчки да ашалмасын.
- Джырчы джырчыгъа – къарнаш.
- Къонакъ болсанг, ийнакъ бол.
- Байны къызы баймакъ болса да, юйде къалмаз!
- Сёз садакъдан кючлюдю.
- Мен да «сен», дейме, сен да «кесим», дейсе.
- Кёз – сюйген джерде, къол – ауругъан джерде.
- Соргъан айыб тюлдю, билмеген айыбды.
- Ойнай-ойнай кёз чыгъар.
- Эртде тургъан джылкъычыны эркек аты тай табар.
- Байдан умут эте, джарлыдан ёгюз багъасы къорады.
- Ач къарынны, токъ билмез
- Танг атмайма десе да, кюн къоярыкъ тюйюлдю.
- Сагъышы джокъ – джукъучу, акъылы джокъ – къаугъачы.
- Кюн – узун, ёмюр – къысха.
Профиль
|
|
|
|||