- Къыйынлы джети элни къайгъысын этер.
- Билмейме деген – бир сёз
- Джашны джигитлиги сорулур, къызны джигерлиги сорулур.
- Къарыусузгъа кюлме, онгсузгъа тийме.
- Зарда марда джокъ.
- Джети тилни билген джети кишиди.
- Таула не мийик болсала да, аууш табылыр.
- Кёб къычыргъандан – къоркъма, тынч олтургъандан – къоркъ.
- Аман адамны тепсинге олтуртсанг, къызынгы тилер.
- Джырына кёре эжиую.
- Ашхы сёз таш тешер.
- Ана къолу ачытмаз.
- Джетген къыз джерли эшекни танымаз.
- Уллу сёлешме да, уллу къаб.
- Этни да ашады, бетни да ашады.
- Таш ата билмеген, башына урур.
- Гитче джилтин уллу элни джандырыр.
- Сангырау къулакъ эл бузар.
- Башы джабылгъан челекге, кир тюшмез.
- Бойнуму джети джерден кессенг да, мен ол ишни этеллик тюлме.
- Ашлыкъны арба юйге келтирир, чана базаргъа элтир.
- Намыс болмагъан джерде, насыб болмаз.
- Хар адамгъа кеси миннген тау кибик.
- Къарын къуру болса, джюрек уру болур.
- Билгенни къолу къарны джандырыр.
- Айырылмаз джууугъунга, унутмаз сёзню айтма.
- Термилгенинги табмазса, кюлгенинге тюберсе.
- Агъач халкъгъа алтынды, иссиликге салкъынды.
- Хантына кёре тузу, юйюне кёре къызы.
- Эртде тургъан джылкъычыны эркек аты тай табар.
- Чомарт бергенин айтмаз.
- Адебни адебсизден юрен.
- Къартха ушагъан джаш – акъыллы, джашха ушагъан къарт – тели.
- Ойнаб айтсанг да, эслеб айт.
- Тау башында, тау болмаз, джангыз терек, бау болмаз.
- Сакъламагъан затынга джолукъсанг, не бек къууанаса, не бек ачыйса.
- Къазанчы аман болса, къазаны къайнамаз.
- Чомарт къолда мал къалмаз.
- Кесине оноу эте билмеген, халкъына да эте билмез.
- Асхат ашлыкъ сата, юйдегиси ачдан къата.
- Ата джурт – алтын бешик.
- Къонакъ болсанг, ийнакъ бол.
- Биреуню тёрюнден, кесинги эшик артынг игиди.
- Кимни – тили, тиши онглу, кимни – къолу, иши онглу.
- Атынг аманнга чыкъгъандан эсе, джанынг тамагъынгдан чыкъсын.
- Эм уллу байлыкъ – джан саулукъ.
- Элде адам къалмаса, ит тахтагъа минер.
- Джыйырма къойну юч джыйырма эбзе кюте эди.
- Джыланны къуйругъундан басарынг келсе, аны башы болгъанын унутма.
- Джахил болса анасы, не билликди баласы?
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72