- Ауругъанны сау билмез, ач къарынны токъ билмез.
- Джахил болса анасы, не билликди баласы?
- Юре билмеген ит, къонакъ келтирир.
- Бал ашаргъа сюе эсенг, чибин ургъаннга тёз.
- Адебсиз адам – джюгенсиз ат.
- Кесине гебен этелмеген, биреуге черен эте эди.
- Джумушакъ сёз къаты таякъны сындырыр.
- Эринчекни аурууу – кёб.
- Бермеген къол, алмайды.
- Хар сёзню орну барды.
- Татлы сёз – балдан татлы.
- Ёгюзню мюйюзюнден тутадыла, адамны сёзюнден тутадыла.
- Хар адамгъа кеси миннген тау кибик.
- «Ма», - дегенни билмесенг, «бер», - дегенни билмезсе.
- Джукъу тёшек сайламайды.
- Мадар болса, къадар болур.
- Бал – татлы, балдан да бала – татлы.
- Ашхы адам – халкъ байлыгъы, ашхы джер – джашау байлыгъы.
- Эр абынмай, эл танымаз.
- Ёгюзню мюйюзлери ауурлукъ этмейдиле.
- Адам сёзге тынгыла, акъыл сёзню ангыла.
- Аш берме да, къаш бер.
- Ашхылыкъ джерде джатмайды, аманлыкъ суугъа батмайды.
- Джол бла сёзню къыйыры джокъ.
- Сабыр джетер муратха, сабырсыз къалыр уятха.
- Кюл тюбюндеги от кёрюнмейди.
- Джыгъылгъанны сырты джерден тоймаз.
- Арба аугъандан сора, джол кёргюзтюучю кёб болур.
- Аз сёлешген, къайгъысыз турур.
- Башсыз урчукъ тюзюне айланмаз.
- Ачылгъан эт джабылыр, кёрген кёз унутмаз.
- Адам боллукъ, атламындан белгили болур.
- «Ёгюз, джаргъа джууукъ барма, меннге джюк боллукъса», - дегенди эшек.
- Ханнга да келеди хариблик.
- Онгсузну – джакъла, тенгликни – сакъла.
- Кёб джашагъан – кёб билир.
- Къайгъыны сюйген, къайгъы табар.
- Рысхысына кёре, джаш ёсер, къышлыгъына кёре, мал ёсер.
- Эрине къаргъыш этген къатын, эрнин къабар.
- Узун джолну барсанг, бюгюн келирсе, къысха джолну барсанг, тамбла келирсе.
- Билмегенинги, билгеннге сор.
- Ач келгенни – тойдур, кеч келгенни – къондур.
- Окъуусуз билим – джокъ, билимсиз кюнюнг – джокъ.
- Юй кюйдю да, кюйюз чыкъды, ортасындан тюйюш чыкъды.
- Чыкълы кюнде чыкъмагъан, чыкъса къуру кирмеген.
- Аман адамны тепсинге олтуртсанг, къызынгы тилер.
- Билмезни кёзю кёрмез, этмезни къулагъы эшитмез.
- Айтхан сёзюне табылгъан.
- Этни да ашады, бетни да ашады.
- Намыс сатылыб алынмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72