- Биреу ашаб къутулур, биреу джалаб тутулур.
- Ишни аллы бла къууанма да, арты бла къууан.
- Бети – къучакълар, джюреги – бычакълар.
- Иши джокъну, сыйы джокъ.
- Юре билмеген ит, къонакъ келтирир.
- Эшекге миннген – биринчи айыб, андан джыгъылгъан – экинчи айыб.
- Ёмюрлюк шохлукъну джел элтмез.
- Джырчы ёлсе, джыры къалыр.
- Адамны аты башхача, акъылы да башхады.
- Алим болгъандан эсе, адам болгъан къыйынды.
- Намысы болмагъанны, сыйы болмаз.
- Игиге айтсанг – билир, аманнга айтсанг – кюлюр.
- Чабакъ башындан чирийди.
- Ёлюр джаннга, ёкюл джокъ.
- Аджашханны ызындагъы кёреди, джангылгъанны джанындагъы биледи.
- Насыб бютеу халкъны юлюшюдю.
- Сабий болмагъан джерде, мёлек болмаз.
- Билимли ёлмез, билимсиз кёрмез.
- Миллетни бойну – базыкъ, аны бла кюрешген – джазыкъ.
- Ач, тоймам, дейди, тойгъан, ач болмам, дейди.
- Акъыллы – эл иеси, тели – эл баласы.
- Тил – миллетни джаны.
- Ауузу аманнга «иги», деме.
- Аш иеси бла татлыды.
- Бойнуму джети джерден кессенг да, мен ол ишни этеллик тюлме.
- Телини эшигин, махтау джабар.
- Уясында не кёрсе, учханында аны этер.
- Юйюнг бла джау болгъандан эсе, элинг бла джау бол.
- Эркишиге тары кебек танг кёрюнюр.
- Чакъырылгъанны аты, чакъырылмагъанны багъасы болур.
- Орну джокъну – сыйы джокъ.
- Иесиз малны бёрю ашар.
- Ариу сёз аурууунгу алыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашлыкъ – бюртюкден, джюн – тюкден.
- Билим ат болуб да чабар, къуш болуб да учар.
- Кюлме джашха – келир башха.
- Ариу джол аджал келтирмез.
- Эрине къаргъыш этген къатын, эрнин къабар.
- Ач бёрюге мекям джокъ.
- Сескекли кесин билдирир.
- Айтхан – тынч, этген – къыйын.
- Айырылмаз джууугъунга, унутмаз сёзню айтма.
- Аякъларынгы джууургъанынга кёре узат.
- Окъугъан – асыу, окъумагъан – джарсыу.
- Хатерли къул болур.
- Адам къыйынлыгъын кёлтюрюр, зауукълугъун кёлтюрмез.
- Иги болса, тамадама – махтау, аман болса, меннге – айыб.
- Къуру гыбыт бек дыгъырдар.
- Джеринден айырылгъан – джети джылар, джуртундан айырылгъан – ёлгюнчю джылар.
Профиль
|
|
|||