- Тил бла келеди джыр да.
- Къарнынг къанлынга кийирир.
- Ашлыкъ – бюртюкден, джюн – тюкден.
- Аллахха ийнаннган кишини, Аллах онгдурур ишин.
- Аз сёлеш, кёб ишле.
- Аман киши кеси юйюнде – къонакъ.
- Иги сеники эсе да, сюйген кесимикин этеме.
- Къыйынлы джети элге оноу этер.
- Къайтырыкъ эшигинги, къаты уруб чыкъма.
- Насыблы элин сюер, насыбсыз кесин сюер.
- Чакъырылмагъан къонакъ тёрге атламаз.
- Къартха ушагъан джаш – акъыллы, джашха ушагъан къарт – тели.
- Шайтан алдады, тюзлюк къаргъады.
- Ишин билген, аны сыйын чыгъарады.
- Сыфатында болмагъаны, суратында болмаз.
- Айырылмаз джууугъунга, унутмаз сёзню айтма.
- Къайгъы тюбю – тенгиз.
- Уллу суу бла уллу ауруудан башынгы сакъла.
- Тик ёргени, тик энгишгеси да болады.
- Айран ичген – къутулду, джугъусун джалагъан – тутулду.
- Баргъанынга кёре болур келгенинг.
- Эл ауузу – элия.
- Борчунг бар эсе, хурджунунга ойлаб узал.
- Адамны артындан къара сабан сюрме.
- Чабакъгъа акъыл, табагъа тюшсе келеди.
- Къаллай салам берсенг, аллай джууаб алырса.
- Тешигини къатында, чычхан да батыр болур.
- Тойгъан джерге джети къайт.
- Чомарт къонакъ юй иесин сыйлар.
- Адам къыйынлыгъын кёлтюрюр, зауукълугъун кёлтюрмез.
- Билген билмегенни юретген адетди.
- Атынг аманнга чыкъгъандан эсе, джанынг тамагъынгдан чыкъсын.
- Адамны сыфатына къарама, сёзюне къара.
- Къазанны башы ачыкъ болса, итге уят керекди.
- Кийиминг бла танылма, адамлыкъ бла таныл.
- Ашхы сёз таш тешер.
- Джиби бир къат джетмей эди да, эки къат тарта эди.
- Айтхан – тынч, этген – къыйын.
- Тойгъанлыкъ къойгъа джарашады.
- Ата Джуртуму башы болмасам да, босагъасында ташы болайым.
- Кесинге джетмегенни, кёб сёлешме.
- Телиге акъыл салгъандан эсе, ёлгеннге джан салырса.
- Ашда уялгъан – мухар, ишде уялгъан – хомух.
- Таш ата билмеген, башына урур.
- Харам къарнашдан, халал тенг ашхы.
- Джыйырма къойну юч джыйырма эбзе кюте эди.
- Джуртун къоругъан озар.
- Аман къатын алгъан, арыр, иги къатын алгъан джарыр.
- Къолунгдан къуймакъ ашатсанг да, атаны борчундан къутулмазса.
- Айтылгъан буйрукъ, сёгюлмез
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72