- Тамчы таш тешер.
- Кёрмегеннге кебек – танг, битмегеннге сакъал – танг.
- Кюлме джашха – келир башха.
- Ач келгенни – тойдур, кеч келгенни – къондур.
- «Ёгюз, джаргъа джууукъ барма, меннге джюк боллукъса», - дегенди эшек.
- Гитче джилтин уллу элни джандырыр.
- Аманнга алтын чыдамаз.
- Аман адам этегингден тутса, кес да къач.
- Ашына кёре табагъы, балына кёре къалагъы.
- Алтыда кюлмеген, алтмышда кюлмез.
- Экиндини кеч къылсанг, чабыб джетер ашхам.
- Къолу уллу – асыу, аягъы уллу – джарсыу.
- Таукел къуру къалмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тёгюлген тюгел джыйылмайды.
- Азыкълы ат арымаз, къатыны аман джарымаз.
- Чакъырылмагъан къонакъ тёрге атламаз.
- Айранны сюйген, ийнек тутар.
- Адамны джюреги нени кёрюрге сюйсе, кёзю да аны кёрюрге ёч болады.
- Къарт бла баш аша, джаш бла аякъ аша.
- Къатыны харакетли болса, эри къымсыз болур.
- Тилде сюек болмаса да, сюек сындырыр.
- Къоркъакъны кёзю экили кёрюр.
- Баш – акъыл ючюн, акъылман – халкъ ючюн.
- Душманны тышы – акъ, ичи – къара.
- Сакъалы текени да бар, мыйыгъы киштикни да бар.
- Билмегенинги, билгеннге сор.
- Ойнай билмеген, оюн бузар.
- Ётюрюкню къуйругъу – бир тутум.
- Тилчи тилден къаныкъмаз.
- Ауругъан – джашаудан умутчу.
- Джюз элде джюз ёгюзюм болгъандан эсе, джюз джууугъум болсун.
- Чомартны къолун джокълукъ байлар.
- Джумушакъ сёз къаты таякъны сындырыр.
- Дууулдаса – бал чибин, къонса – къара чибин.
- Байлыкъ келсе, акъыл кетер.
- Иги болса, тамадама – махтау, аман болса, меннге – айыб.
- Илму – джашауну джолу.
- Тюзню ётмеги тюзде къалса да, тас болмаз.
- Ойнай билмеген, уруб къачар.
- Кёзюнде тереги болгъан, чёбю болгъаннга кюле эди.
- Ёлген ийнек сютлю болур.
- Къыз келсе, джумуш эте келеди, къатын келсе, ушакъ эте келеди.
- Тил – миллетни джаны.
- Къартны бурнун сюрт да, оноугъа тут.
- Рысхы джалгъанды: келген да этер, кетген да этер.
- Арбаз къынгырды да, ийнек сауалмайма.
- Айыбны суу бла джууалмазса.
- Аш хазыр болса, иш харам болур.
- Уллу атлама – абынырса, уллу къабма – къарылырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72