Эльбрусоид :: Форум

Бек анасы джыламаз.
Намысы болмагъанны, сыйы болмаз.
Ашлыкъны арба юйге келтирир, чана базаргъа элтир.
Элни кючю – эмеген.
Къызгъанчдан ычхыныр, мухардан ычхынмаз.
Уллу айтханны этмеген – уллаймаз.
Ёлген эшек бёрюден къоркъмайды.
Байны оноуу, джарлыгъа джарамаз.
Джумушакъ терекни къурт ашар.
Ышармагъан – кюлмез, кюлмеген – къууанчны билмез.
Ачыу алгъа келсе, акъыл артха къалады.
Кёзюнде тереги болгъан, чёбю болгъаннга кюле эди.
Айтылгъан сёз ызына къайтмаз.
Эки къатын алгъанны къулагъы тынгнгаймаз.
Онгсузну – джакъла, тенгликни – сакъла.
Ач да бол, токъ да бол – намысынга бек бол.
Байлыкъ болгъан джерде, тынчлыкъ джокъду.
Байлыкъ келсе, акъыл кетер.
Алгъанда – джууукъ, бергенде – джау.
Байлыкъ адамны сокъур этер.
Тойгъа барсанг, тоюб бар, эски тонунгу къоюб бар.
Зар адам ашынгы ашар, кесинги сатар.
Кюлме джашха – келир башха.
Кийиминг бла танылма, адамлыкъ бла таныл.
Аз айтсам, кёб ангылагъыз.
Тойгъан джерден туугъан джер игиди.
Ауузу бла къуш тута айланады.
Къатын къылыкъсыз, эр тынчлыкъсыз.
Джюрекден джюрекге джол барды.
Къыз келсе, джумуш эте келеди, къатын келсе, ушакъ эте келеди.
Тамбла алтындан бюгюн багъыр ашхы.
Кютгени беш эчки, сызгъыргъаны уа, джерни джарады.
Байдан умут эте, джарлыдан ёгюз багъасы къорады.
Бетинги сатма, малынгы сат.
Арбаз къынгырды да, ийнек сауалмайма.
Биреуге аманлыкъны тилеме да, кесинге ашхылыкъны тиле.
Ана къойну – балагъа джандет.
Къонакъ кёб келюучю юйню, къазаны отдан тюшмез.
Чабакъсыз кёлге къармакъ салгъанлыкъгъа, чабакъ тутмазса.
Байлыкъ тауусулур, билим тауусулмаз.
Ёлюк кебинсиз къалмаз.
Джарлы джети элни сёзюн этер.
Атлыны ашхысы, ат тизгининден билинир
Аякъларынгы джууургъанынга кёре узат.
Башынга джетмегенни сорма.
Бюгюн дуния кибик, тамбла ахыратды.
Аманны къуугъан, аманлыкъ табар.
Акъдан къара болмаз.
Этим кетсе да, сюегим къалыр.
Билими азны – ауузунда кирит.

Логин:
Пароль:
	Запомнить меня на этом компьютере

Забыли свой пароль?
Регистрация