- Айраннга суу къош, телиге джол бош.
- Кесине гебен этелмеген, биреуге черен эте эди.
- Дуния малгъа сатылма, кесингден телиге къатылма.
- Башы ишлегенни, ауузу да ишлер.
- Тёзген – тёш ашар!
- Джарашыу сюйген – джалынчакъ.
- Ашхы адам – халкъ байлыгъы, ашхы джер – джашау байлыгъы.
- Ойнай-ойнай кёз чыгъар.
- Джылыгъа джылан илешир.
- Тёгюлген тюгел джыйылмайды.
- Тёзгеннге, джабылгъан эшик ачылыр.
- Гугурук къычырмаса да, тангны атары къалмаз.
- Хар зат кесини орнуна иги.
- Тюзлюк тас болмайды.
- Уллу къашыкъ эрин джыртар.
- Джумушакъ терекни къурт ашар.
- Сакъламагъан затынга джолукъсанг, не бек къууанаса, не бек ачыйса.
- Къумурсхала джыйылсала, пилни да джыгъадыла.
- Азыкълы ат арымаз, къатыны аман джарымаз.
- Халкъны юйю – туугъан джери.
- Таукел къуру къалмаз.
- Нафысынгы айтханын этме, намысынгы айтханын эт.
- Джашда акъыл джокъ, къартда къарыу джокъ.
- Ишин билген, аны сыйын чыгъарады.
- Кёз – сюйген джерде, къол – ауругъан джерде.
- Къатын байлыкъны сюер, эр саулукъну сюер.
- Эл тойса, тоймагъан, эл къойса, къоймагъан.
- Тели турса – той бузар.
- Ач къалгъандан, кеч къалгъан къолай.
- Ачлыкъда тары гырджын халыуадан татлы.
- Адеб этмеген, адеб кёрмез.
- Уллу айтханны этмеген – уллаймаз.
- Алтыда кюлмеген, алтмышда кюлмез.
- Ашхы тенг джолгъа салыр, аман тенг джолдан тайдырыр.
- Тилчи бир сагъатха айлыкъ хата этер.
- Къатын къылыкъсыз, эр тынчлыкъсыз.
- Хоншуну тауугъу къаз кёрюнюр, келини къыз кёрюнюр.
- Тойгъан джерден туугъан джер игиди.
- Ёзденликни кёбю ётюрюк.
- Эркишиге тары кебек танг кёрюнюр.
- Тешигини къатында, чычхан да батыр болур.
- Адеби болмагъан къыз – тузсуз хант.
- Айран ичген – къутулду, джугъусун джалагъан – тутулду.
- Ойнаб айтсанг да, эслеб айт.
- Бюгюн дуния кибик, тамбла ахыратды.
- Акъыллы башны – тили къысха.
- Берекет берсин деген джерде, берекет болур.
- Сормай – алма, чакъырылмай – барма.
- Арбаз сайлама да, хоншу сайла.
- Къыз келсе, джумуш эте келеди, къатын келсе, ушакъ эте келеди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72