- Къарнынг ауруса, ауузунгу тый
- Итли къонакъ джарашмаз.
- Адеб базарда сатылмаз.
- Адамны адамлыгъы къыйынлыкъда айгъакъланады.
- Тойгъанлыкъ къойгъа джарашады.
- Сёз къанатсыз учар.
- Эки къатын алгъан – эки ташны ортасына башын салгъан.
- Къатыны харакетли болса, эри къымсыз болур.
- Ёзденликни кёбю ётюрюк.
- Къууут – джелге, берне – бошха.
- Джюрекге ариу – кёзге да ариу.
- Аман хансны – урлугъу кёб.
- Айтхан – тынч, этген – къыйын.
- Ата – билек, ана – джюрек!
- Биреуню къыйынлыгъы бла кесинге джол ишлеме.
- Башда акъыл болмаса, эки аякъгъа кюч джетер.
- Къан бла кирген, джан бла чыгъар.
- Дуния мал дунияда къалады.
- Ата Джуртча джер болмаз, туугъан элча эл болмаз.
- Ышармагъан – кюлмез, кюлмеген – къууанчны билмез.
- Нёгер болсанг, тенг бол, тенг болмасанг, кенг бол.
- Ариу – кёзге, акъыл – джюрекге.
- Сакъ юйюне сау барыр.
- Тешигини къатында, чычхан да батыр болур.
- Билмегенинги, билгеннге сор.
- Малны кют, джерни тюрт.
- Тилде сюек болмаса да, сюек сындырыр.
- Ашхы атаны – джашы ашхы, ашхы ананы – къызы ашхы.
- Кесинге джетмегенни, кёб сёлешме.
- Эркишиге тары кебек танг кёрюнюр.
- Иги адам абынса да, джангылмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Джарлыны эшигин махтагъан джабар.
- Джарлыны тону джаз битер.
- Ашда – бёрю, ишде – ёлю.
- Кёз – сюйген джерде, къол – ауругъан джерде.
- Чомарт къонакъ юй иесин сыйлар.
- Аманны тукъумуна къарама, игини тукъумун сорма.
- Къарт бла баш аша, джаш бла аякъ аша.
- Рысхы – насыбха къор.
- Тёзгеннге, джабылгъан эшик ачылыр.
- Ким бла джюрюсенг, аны кёзю бла кёрюнюрсе.
- Таукел тауну аудурур.
- Тил – миллетни джаны.
- Аурууну келиую тынч, кетиую – къыйын.
- Джарлы эскисин джамаса, къууаныр.
- Тилчи бир сагъатха айлыкъ хата этер.
- Кирсизни – саны таза, халалны – къаны таза.
- Эрни эр этерик да, къара джер этерик да, тиширыуду.
- Минг тенг да азды, бир джау да кёбдю.
Профиль
|
|
|||