- Уллу суу бла уллу ауруудан башынгы сакъла.
- Ичимден чыкъды хата, къайры барайым сата?
- Къулакъдан эсе, кёзге ышан.
- Келлик заман – къартлыкъ келтирир, кетген заман – джашлыкъ ёлтюрюр.
- Чоюнну башы ачыкъ болса, итге уят керекди.
- Ётюрюк хапар аякъ тюбю бла джюрюйдю.
- Аллахдан тилесенг, кёб тиле.
- Тилчи бир сагъатха айлыкъ хата этер.
- Экеу тутушса, биреу джыгъылыр.
- Адамгъа аман кюн соруб келмейди.
- Эркишиге тары кебек танг кёрюнюр.
- Уллу сёзде уят джокъ.
- Уллу атлама – абынырса, уллу къабма – къарылырса.
- Таула не мийик болсала да, аууш табылыр.
- Къызбайны юйюне дери сюрсенг, батыр болур.
- Ышармагъан – кюлмез, кюлмеген – къууанчны билмез.
- Татлы сёз – балдан татлы.
- Ёксюзню тилеги къабыл болур.
- Окъуу – билимни ачхычы, окъуу – дунияны бачхычы.
- Тиширыусуз юй – отсуз от джагъа.
- Ашлыкъ – бюртюкден, джюн – тюкден.
- Терек ауса, отунчу – кёб.
- Игилик игилик бла сингдирилиучю затды.
- Ойнай-ойнай кёз чыгъар.
- Шекер бла туз – бир болмаз, ушамагъан – юй болмаз.
- Джол бла сёзню къыйыры джокъ.
- Кёбню кёрген – кёб билир.
- Арыгъан къош чамчы болур.
- Хата – гитчеден.
- Джигер – джаннга къыйынлыкъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Башланнган иш битер, къымылдагъан тиш тюшер.
- Кютгени беш эчки, сызгъыргъаны уа, джерни джарады.
- Намысы джокъну – дуниясы джокъ.
- Берекет берсин деген джерде, берекет болур.
- Уруну арты – къуру.
- Аджашханны ызындагъы кёреди, джангылгъанны джанындагъы биледи.
- Уллу айтханны этмеген – уллаймаз.
- Кимни – тили, тиши онглу, кимни – къолу, иши онглу.
- Джашны джигитлиги сорулур, къызны джигерлиги сорулур.
- Аурууну келиую тынч, кетиую – къыйын.
- Ата – баланы уясы.
- Бастасын ашагъан, хантусун да ичер.
- Кёбге таш атма.
- Кесине гебен этелмеген, биреуге черен эте эди.
- Аш кетер да бет къалыр.
- Ана къолу ачытмаз.
- Чомартны къолун джокълукъ байлар.
- Махтаннган къыз, тойда джукълар.
- Баш болса, бёрк табылыр.
Профиль
|
|
|
|||