- Тилчи тилден къаныкъмаз.
- Тай асырагъан, атха минер.
- Ётюрюкню башын керти кесер.
- Хатерли къул болур.
- Адебни адебсизден юрен.
- Кёз – сюйген джерде, къол – ауругъан джерде.
- Тамырсыз терекге таянма – джыгъылырса.
- Джаз бир кюнню джатсанг, къыш талай кюнню абынырса.
- Уллу суу бла уллу ауруудан башынгы сакъла.
- Акъыл сабырлыкъ берир.
- Тилчи бир сагъатха айлыкъ хата этер.
- Аман адам элни бир-бирине джау этер.
- Тенгинг джокъ эсе – изле, бар эсе – сакъла!
- Къар – келтирди, суу – элтди.
- Этим кетсе да, сюегим къалыр.
- Тели турса – той бузар.
- Ойнай билмеген, уруб къачар.
- Келинни – келгинчи, бёркню кийгинчи кёр.
- Билим – акъылны чырагъы.
- Тил бла келеди джыр да.
- Хар адамгъа кеси миннген тау кибик.
- Ашхылыкъ джерде джатмайды, аманлыкъ суугъа батмайды.
- Аджаллыгъа окъсуз шкок атылыр.
- Къоркъакъны кёзю экили кёрюр.
- Къумурсхала джыйылсала, пилни да джыгъадыла.
- Джылкъыдан – ат чыгъар, тукъумдан – джаш чыгъар.
- Кечеси – аяз, кюню – къыш, джарлы къаргъагъа бир аш тюш!
- Аз сёлеш, кёб ишле.
- Огъурлуну сёзю – суу, огъурсузну сёзю – уу.
- Ишлегенден, къарагъан уста.
- Кёбден умут этиб, аздан къуру къалма.
- Тойгъан джерден туугъан джер игиди.
- Чомарт къонакъ юй иесин сыйлар.
- Тойгъа алгъа да барма, тойда артха да къалма.
- Юй ишлеген балта эшикде къалыр.
- Тас болгъан бычакъны сабы – алтын.
- Булут кёкге джарашыу, уят бетге джарашыу.
- Ашына кёре табагъы, балына кёре къалагъы.
- Халкъны юйю – туугъан джери.
- Эки итни арасына сюек атма, эки адамны арасында сёз чыгъарма.
- Айранны сюйген, ийнек тутар.
- Баш болса, бёрк табылыр.
- Ач – эснер, ат – кишнер.
- Акъыл аздырмаз, билим тоздурмаз.
- Арбаз къынгырды да, ийнек сауалмайма.
- Аман киши кеси юйюнде – къонакъ.
- Ёксюзню къалачы уллу кёрюнюр.
- Ата Джуртча джер болмаз, туугъан элча эл болмаз.
- Хунаны тюбюн къазсанг, юсюнге ауар.
- Алим болгъандан эсе, адам болгъан къыйынды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72